കാളിദാസ് ജയറാം പ്രധാന വേഷത്തിലെത്തുന്ന പുതിയ ചിത്രമാണ് അര്ജന്റീന ഫാന്സ് കാട്ടൂര്കടവ്. മിഥുന് മാനുവല് സംവിധാനം ചെയ്യുന്ന ചിത്രത്തിന്റെ ടൈറ്റില് പോസ്റ്റര് നടന് മമ്മൂട്ടി തന്റെ ഒഫീഷ്യല് ഫേസ്ബുക്ക് പേജിലൂടെ പുറത്തു വിട്ടു. ആട് 2ന് ശേഷം മിഥുന് മാനുവല് സംവിധാനം ചെയ്യുന്ന ചിത്രമാണ് അര്ജ്ജന്റീന ഫാന്സ് കാട്ടൂര്ക്കടവ്.
ഐശ്വര്യ ലക്ഷ്മി ആയിരിക്കും ചിത്രത്തിലെ നായിക. ഒരു ഗ്രാമത്തിലെ ഫുട്ബോള് പ്രേമികളുടെ കഥയാണ് ചിത്രത്തിന്റെ പ്രമേയമെന്നാണ് ടൈറ്റലില് നിന്നും വ്യക്തമാകുന്നത്. ആട്, ആന്മേരി കലിപ്പിലാണ്, അലമാര, ആട് 2 തുടങ്ങിയ വിജയ ചിത്രങ്ങള്ക്ക് പിന്നാലെ മിഥുന് സംവിധാനം ചെയ്യുന്ന ചിത്രമാണിത്.
പുതുമുഖങ്ങളാണ് പ്രധാന കഥാപാത്രങ്ങളെ അവതരിപ്പിക്കുന്നതെന്നാണ് വിവരം. മിഥുന് മാനുവലും ജോണ് മന്ത്രിക്കലും ചേര്ന്നാണ് ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത്. ആഷിഖ് ഉസ്മാനാണ് ചിത്രം നിര്മ്മിക്കുന്നത്. ഗോപി സുന്ദറാണ് ചിത്രത്തിന് സംഗീതമൊരുക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates