രാഷ്ട്രീയപ്രവേശനത്തിനുശേഷം ആദ്യമെത്തുന്ന ചിത്രമെന്നതും കമല്‍ഹാസന്റെ സിനിമാകരിയറിലെ അവസാന ചിത്രമായിരിക്കാം എന്ന വാര്‍ത്തകയുമെല്ലാം വിശ്വരൂപം രണ്ടാം ഭാഗത്തെ ഇതിനോടകം ശ്രദ്ധേയമാക്കികഴിഞ്ഞു. ഇപ്പോഴിതാ ചിത്രത്തിന്റെ മേക്കിങ് വീഡിയോയും അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്. 

ആക്ഷന്‍ രംഗങ്ങള്‍ക്ക് കൂടുതല്‍ പ്രാധാന്യം നല്‍കി ഒരുക്കിയിട്ടുള്ള രണ്ടാം ഭാഗത്തില്‍ സാഹസിക രംഗങ്ങള്‍ ഡ്യൂപ്പിന്റെ സഹായമില്ലാതെയാണ് കമല്‍ ചെയ്തിട്ടുള്ളത്. ചിത്രത്തിലെ ആക്ഷന്‍ സീക്വന്‍സുകള്‍ താന്‍ ആസ്വദിച്ചാണ് ചെയ്തതെന്നും എല്ലുകളിലടക്കം പരിക്കും വേദനയുമുണ്ടായിരുന്നെന്നും കമല്‍ പറഞ്ഞിരുന്നു. സെറ്റില്‍ അത്തരം രംഘങ്ങള്‍ ചെയ്തപ്പോള്‍ നിറഞ്ഞ കൈയ്യടികളായിരുന്നെന്നും കമല്‍ പറഞ്ഞു. 

ഓഗസ്റ്റ് 10ന് റിലീസിനെത്തുന്ന ചിത്രത്തിന്റെ സംവിധാനവും രചനയും നിര്‍വഹിച്ചിരിക്കുന്നത് കമല്‍ഹാസനാണ്. കമലും എസ് ചന്ദ്രഹാസനും ചേര്‍ന്നാണ് ചിത്രത്തിന്റെ നിര്‍മാണം.