മോഹന്‍ലാലിനെ പ്രധാനകഥാപാത്രമാക്കി ജിബി- ജോജു കൂട്ടുകെട്ടില്‍ പുറത്തിറങ്ങുന്ന ചിത്രമാണ് 'ഇട്ടിമാണി മെയ്ഡ് ഇന്‍ ചൈന'. സിനിമയുടെ മേക്കിങ് വിഡിയോ അണിയറപ്രവര്‍ത്തകര്‍ റിലീസ് ചെയ്തു. കുടുംബപ്രേക്ഷകരെ രസിപ്പിക്കുന്ന ഫാമിലി എന്റര്‍ടെയ്‌നറാകും ചിത്രമെന്ന് സംവിധായകര്‍ പറയുന്നു.
ജിബിയും ജോജുവും തന്നെയാണ് ചിത്രത്തിന് തിരക്കഥയെഴുതുന്നതു. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മ്മാണം. ചിത്രത്തില്‍ മോഹന്‍ലാല്‍ ഇരട്ട വേഷത്തിലെത്തുമെന്നും റിപ്പോര്‍ട്ടുകള്‍ വരുന്നുണ്ട്. അച്ഛന്റെയും മകന്റെയും വേഷത്തില്‍ മോഹന്‍ലാല്‍ എത്തുന്നു.
തൃശൂരില്‍ ഇട്ടിമാണി കേറ്ററിങ് സര്‍വീസ് നടത്തുന്ന കഥാപാത്രമായാണ് പ്രേക്ഷകരുടെ ലാലേട്ടന്‍ എത്തുന്നത്. ഹണി റോസാണ് ഇട്ടിമാണിയുടെ കാമുകി. ഹണിയുടെ കഥാപാത്രം ലണ്ടനില്‍ നഴ്‌സാണ്.
അജു വര്‍ഗീസ്, ഹരീഷ് കണാരന്‍, ധര്‍മജന്‍ ബോള്‍ഗാട്ടി, രാധിക ശരത് കുമാര്‍, അശോകന്‍, സിജോയ് വര്‍ഗീസ്, കൈലാഷ്, കെപിഎസി ലളിത, വിനു മോഹന്‍, സ്വാസിക, വിവിയ, സിദ്ദിഖ്, സലിം കുമാര്‍, അരിസ്‌റ്റോ സുരേഷ്, ജോണി ആന്റണി തുടങ്ങിയവരാണ് ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. ഓണം റിലീസായി ചിത്രം തിയറ്ററുകളിലെത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates