ആദ്യ ചിത്രം ആദി മികച്ച പ്രതികരണങ്ങളുമായി തിയേറ്ററുകളില്‍ മുന്നേറുമ്പോള്‍, സിനിമ റിലീസ് ചെയ്തതിന്റെ ടെന്‍ഷനുകളൊന്നുമില്ലാതെ നടന്‍ പ്രണവ് മോഹന്‍ലാല്‍ ഹിമാലയ യാത്രയില്‍. എനിക്കിവിടെ ഫോണിന് റേഞ്ചില്ല. എല്ലാവര്‍ക്കും നന്ദി... പ്രണവ് മോഹന്‍ലാല്‍ അഭിനന്ദനം അറിയിച്ചെത്തിയവര്‍ക്ക് മറുപടി നല്‍കി. മനോരമയാണ് ഇക്കാര്യം റിപ്പോര്‍ട്ട് ചെയ്തത്. 

നാലാം തവണയാണ് പ്രണവ് ഹിമാലയ പര്യടനത്തിന് പോകുന്നത്. സിനിമ റിലീസായ ഇന്ന് രാവിലെ അമ്മ സുചിത്ര കൊച്ചിയിലെ തിയേറ്ററിലെത്തി സിനിമ കണ്ടിരുന്നു. മുംബൈയില്‍ ഷൂട്ടിംഗ് ലൊക്കേഷനിലുള്ള മോഹന്‍ലാലിനെയും, കൊച്ചിയിലുള്ള അമ്മ സുചിത്രയെയും പ്രണവ് വിളിച്ചിരുന്നു.