അമ്മയ്ക്ക് മാതൃദിന ആശംസകൾ നേർന്ന് നടൻ മോഹൻലാൽ. സോഷ്യൽ മീഡിയയിൽ അമ്മയുടെ ചിത്രം പങ്കുവെച്ചാണ് താരം ആശംസ അറിയിച്ചത്. താൻ അഭിനയിച്ച ചിത്രത്തിലെ ഒരു അമ്മപ്പാട്ടിനൊപ്പമാണ് താരത്തിന്റെ പോസ്റ്റ്. കൈ നിറയേ വെണ്ണതരാം, കവിളിലൊരുമ്മ തരാം- എന്നാണ് താരം കുറിച്ചിരിക്കുന്നത്. ശാന്തകുമാരി നായരാണ് മോഹൻലാലിന്റെ അമ്മ. 

മോഹൻലാൽ നായകനായി എത്തിയ ബാബകല്യാണിയിലെ ​ഗാനമാണ് ഇത്. കവിയൂർ പൊന്നമ്മയ്ക്കൊപ്പമുള്ള ചിത്രം വലിയ ഹിറ്റായിരുന്നു. ലോക്ക്ഡൗണിനെ തുടർന്ന് ഭാര്യയ്ക്കും മകൻ പ്രണവിന‌ുമൊപ്പം ചെന്നൈയിലെ വീട്ടിലാണ് താരം. എന്നാൽ അമ്മ കൊച്ചിയിലെ വീട്ടിലാണെന്നും അതിനാൽ അമ്മയുടെ അടുത്ത് ഉണ്ടാകാൻ പറ്റാത്തതിന്റെ വിഷമവും നേരത്തെ താരം പങ്കുവെച്ചിരുന്നു.