ഓസ്ട്രേലിയയില് ഉണ്ടായ കാട്ടുതീയില് ഇരകളായവരെ സഹായിക്കാന് സംഭാവനയുമായി നടി ജൂഹി ചൗളയുടെ മകന് അര്ജുന്. തന്റെ പോക്കറ്റ് മണിയില് നിന്ന് 300 പൗണ്ട് (ഏകദേശം 28,000 രൂപ) ആണ് അര്ജുന് സംഭാവന ചെയ്തത്. ഓസ്ട്രേലിയന് ഫയര് റിലീഫ് ഫണ്ടിലേക്കാണ് അര്ജുന്റെ സംഭാവന.
മകന്റെ പ്രവര്ത്തിയില് ഏറെ സന്തോഷിക്കുന്നെന്നാണ് ജൂഹിയുടെ വാക്കുകള്. ' ഓസ്ട്രേലിയയിലെ കാട്ടുതീയില് 500ഓളം മൃഗങ്ങള് ചത്തൊടുങ്ങിയ വിവരം അവന് എന്നോട് പറഞ്ഞത് ഞാന് ഓര്ക്കുന്നു. ഞാന് അതിനായി എന്താണ് ചെയ്യുന്നതെന്നും അന്നവന് ചോദിച്ചിരുന്നു. കാവേരി കോളിങ് പദ്ധതിയോട് ചേര്ന്ന് നമ്മുടെ രാജ്യത്ത് മരങ്ങള് നട്ടുപിടിപ്പിക്കാന് സഹായിക്കുന്ന വിവരം ഞാനവനോട് പറഞ്ഞു. പിറ്റേദിവസമാണ് പോക്കറ്റ് മണിയില് നിന്ന് 300 പൗണ്ട് സംഭാവന ചെയ്തെന്നും അത് ശരിയായ കരങ്ങളില് എത്തുമെന്നാണ് പ്രതീക്ഷയെന്നും അവന് എന്റെയടുത്ത് പറഞ്ഞത്. അവന്റെ ഹൃദയം ശരിയായ ദിശയിലാണെന്ന് അറിഞ്ഞതില് എനിക്ക് ഒരുപാട് സന്തോഷമുണ്ട്', ജൂഹി പറഞ്ഞു.
യൂകെയില് ബ്രോഡ്കാസ്റ്റിങ് സ്കൂളിലെ വിദ്യാര്ത്ഥിയാണ് അര്ജുന്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates