ലോക്ക്ഡൗൺ ആയതോടെ സോഷ്യൽ മീഡിയയിൽ സജീവമാണ് നടി പ്രിയ പി  വാര്യർ. ടിക് ടോക് വിഡിയോയും പാട്ടുപാടലുമൊക്കെയായി ആരാധകരെ എന്റർടെയിൻ ചെയ്യുകയാണ് താരം. ഇപ്പോൾ സോഷ്യൽ മീഡിയയിൽ ഹിറ്റാകുന്നത് പ്രിയയുടെ പുതിയ ടിക് ടോക്ക് വിഡിയോ ആണ്.  ബിന്ദുപണിക്കരുടെ റോളിൽ എത്തിയാണ് പ്രിയ ആരാധകരെ ചിരിപ്പിക്കുന്നത്. 

ശ്രീകൃഷ്ണപുരത്ത് നക്ഷത്രത്തിളക്കം എന്ന സിനിമയിലെ ബിന്ദു പണിക്കരുടെ സൂപ്പർഹിറ്റ് ഡയലോ​ഗാണ് താരം അഭിനയിച്ച് കാണിക്കുന്നത്. കൂടാതെ നരസിംഹത്തിലെ ഐശ്വര്യയുടെ റൊമാന്റിക് സീനിലും താരം എത്തുന്നുണ്ട്. മികച്ച അഭിപ്രായങ്ങളാണ് വിഡിയോക്ക് ലഭിക്കുന്നത്.  അടുത്തിടെയാണ് പ്രിയ ടിക് ടോക്കിൽ അക്കൗണ്ട് തുടങ്ങിയത് . താരത്തെ ടിക് ടോക്ക് സ്വാ​ഗതം ചെയ്തുകൊണ്ട് നിരവധിപേർ കമന്റ്ചെയ്യുന്നുണ്ട്.