ന്യൂഡല്ഹി: ബോളിവുഡ് സൂപ്പര്സ്റ്റാര് ഷാരൂഖ് ഖാന് മോഷന് പിക്ചര് ആര്ട്സ് ആന്റ് സയന്സിന്റെ ഫിലിം ബോഡിയിലേക്ക് ക്ഷണം. ഷാരൂഖ് ഉള്പ്പെടെ ഇരുപത് ഇന്ത്യക്കാരുടെ പട്ടികയാണ് ഓസ്കാര് സമിതി പുറത്തുവിട്ടത്. 59 രാജ്യങ്ങളില് നിന്നായി 928 പുതിയ അംഗങ്ങളെയാണ് തിരഞ്ഞെടുത്തിരിക്കുന്നത്. ചെന്നൈ എക്സ്പ്രസിലെയും ദേവ്ദാസിലെയും അഭിനയത്തിനാണ് ഷാരൂഖിന് ക്ഷണം.
ഷാരൂഖിന് പുറമേ മാധുരി ദിക്ഷിത്,നസറുദ്ദീന് ഷാ, അനില് കപൂര്,തബു,സൗമിത്രാ ചാറ്റര്ജി,മാധബി മുഖര്ജി തുടങ്ങിയ പ്രമുഖരുമുണ്ട്.ആദിത്യ ചോപ്രയും ഗുനീത് മോങ്കയുമാണ് നിര്മ്മാതാക്കളില് നിന്നും സമിതിയില് ഇടം നേടിയത്.
അമിതാഭ് ബച്ചന്, ആമിര് ഖാന്, സല്മാന് ഖാന്, ഐശ്വര്യ റായ്, ദീപിക, പ്രിയങ്ക എന്നിവര് കഴിഞ്ഞ വര്ഷം സമിതിയിലുണ്ടായിരുന്നു.
കഴിഞ്ഞ വര്ഷത്തെ അപേക്ഷിച്ച് സ്ത്രീ അംഗങ്ങളുടെ എണ്ണം ഇക്കുറി സമിതി വര്ധിപ്പിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates