കെജിഎഫിലൂടെ ശ്രദ്ധേയനായ നടന്‍ യഷിനും ഭാര്യ രാധിക പണ്ഡിറ്റിനും രണ്ടാമത്തെ കുഞ്ഞ് ജനിച്ചു. ആണ്‍കുഞ്ഞാണ്. താരത്തിന് രണ്ടാമത്തെ കുഞ്ഞ് പിറന്ന വാര്‍ത്ത ആഘോഷമാക്കുകയാണ് സിനിമാലോകം. തങ്ങള്‍ രണ്ടാമത്തെ കണ്‍മണിക്കായി കാത്തിരിക്കുന്ന വിവരം യഷിന്റെ ഭാര്യ നേരത്തേ സമൂഹമാധ്യമങ്ങളിലൂടെ അറിയിച്ചിരുന്നു.

2016ല്‍ വിവാഹിതരായ ഇവര്‍ക്ക് 2018ലാണ് ആദ്യത്തെ കുഞ്ഞ് ജനിക്കുന്നത്. മകളുടെ ചിത്രം ആരാധകര്‍ക്കായി യഷും രാധികയും കഴിഞ്ഞ വര്‍ഷം അക്ഷയത്രിതീയ ദിനത്തില്‍ പുറത്ത് വിട്ടിരുന്നു.

മകളുടെ പേരിടല്‍ ചടങ്ങിന് തൊട്ടുപിന്നാലെയാണ് തനിക്ക് രണ്ടാമത് ഒരു കുഞ്ഞ് പിറക്കാന്‍ പോകുന്നുവെന്ന് താരം വെളിപ്പെടുത്തിയത്. ആര്യ എന്നു പേരിട്ട മകളുടെ ഫോട്ടോകളും വീഡിയോകളും ഇരുവരും ഇടയ്ക്കിടെ ഇന്‍സ്റ്റഗ്രാമിലും മറ്റും പങ്കുവെക്കാറുണ്ട്.