തെന്നിന്ത്യൻ സം​ഗീത ലോകത്തെ ഹിറ്റ് സംവിധായകനാണ് ​ഗോപി സുന്ദർ. സോഷ്യൽ മീഡിയയിൽ ആക്റ്റീവായ താരം തന്റെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്. ഇപ്പോൾ സം​ഗീത ലോകത്തേക്ക് ചുവടുവെക്കുന്ന തന്റെ മകനെ പരിചയപ്പെടുത്തുകയാണ് ​ഗോപി സുന്ദർ. തന്റെ ​ഗുരുവായ ഔസേപ്പച്ചനൊപ്പം ഇരിക്കുന്ന മൂത്ത മകൻ മാധവ് സുന്ദറിന്റെ ചിത്രമാണ് താരം പങ്കുവെച്ചത്. അച്ഛനെന്ന നിലയിൽ സന്തോഷമുണ്ടെന്നും ​ഗോപി സുന്ദർ കുറിക്കുന്നുണ്ട്. 

എന്റെ മൂത്തമകൻ മാധവ് സുന്ദർ എന്റെ ​ഗുരു ഔസേപ്പച്ചൻ സാർ. അച്ഛനെന്ന നിലയിൽ അഭിമാന നിമിഷം. പ്രിയപ്പെട്ട മകനെ ഒരുപാട് ദുരം ഇനിയും പോകാനുണ്ട്. നിന്റെ രക്തത്തിൽ അലിഞ്ഞു ചേർന്നിരിക്കുന്ന പാരമ്പര്യവും സമര്‍പ്പണവും ഉയർത്തൂ- ​ഗോപി സുന്ദർ കുറിച്ച്. മകനൊപ്പമുള്ള ഔസേപ്പച്ചന്റെ ചിത്രത്തിനൊപ്പം തന്റെ പഴയ ഒരു ഓർമയും ​ഗോപി സുന്ദർ പങ്കുവെച്ചിട്ടുണ്ട്. ഔസേപ്പച്ചനും ഗിരീഷ് പുത്തഞ്ചേരിക്കും ഒപ്പമുള്ള ചിത്രമാണ് താരം ഷെയർ ചെയ്തിരിക്കുന്നത്.