ജിമിക്കി കമ്മലിന് ചുവടുവെച്ചായിരുന്നു മലയാളികള്‍ ഈ വര്‍ഷത്തെ ഓണാഘോഷം പൊടിപൊടിച്ചത്. മോഹന്‍ലാല്‍ നായകനായെത്തിയ വെളിപാടിന്റെ പുസ്തകത്തിലെ ജിമക്കി കമ്മലിനൊപ്പം ചുവടുവയ്ക്കുകയാണ് പ്രണവ് മോഹന്‍ലാലും. 

സംവിധായകന്‍ ജിത്തു ജോസഫാണ് തന്റെ ഫേസ്ബുക്ക് പേജിലൂടെ വീഡിയോ ഷെയര്‍ ചെയ്തിരിക്കുന്നത്. സെറ്റിലെ ഓണാഘോഷത്തിനാണ് ജിമിക്കി കമ്മലിലൂടെ പ്രണവും കൂട്ടരും തകര്‍ക്ക് കളിക്കുന്നത്.

ജിത്തു ജോസഫിന്റെ ആദിയിലൂടെയാണ് മലയാള സിനിമയില്‍ നായക വേഷത്തിലേക്കുള്ള പ്രണവിന്റെ കടന്നു വരവ്.