മുംബൈ: ചലച്ചിത്ര നടി വിദ്യാ സിന്ഹ അന്തരിച്ചു. 71 വയസ്സായിരുന്നു. മുംബൈയിലെ സ്വകാര്യ ആശുപത്രിയിലായിരുന്നു അന്ത്യം. ശ്വാസകോശ സംബന്ധമായ അസുഖങ്ങളെ തുടര്ന്ന് ഏറെ നാളായി ചികിത്സയിലായിരുന്നു. ബുധനാഴ്ച വൈകീട്ടോടെ അസുഖം മൂര്ച്ഛിച്ചു. വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തിയിരുന്നത്.
1974 ല് രാജ കാക എന്ന ബോളിവുഡ് ചിത്രത്തിലൂടെയായിരുന്നു വിദ്യാ സിന്ഹയുടെ സിനിമാപ്രവേശം. അതേ വര്ഷം പുറത്തിറങ്ങിയ ബാസു ചാറ്റര്ജിയുടെ രാജ്നിഗന്ധയില് അമോള് പലേക്കര്ക്കൊപ്പവും വിദ്യ അഭിനയിച്ചു. ചോട്ടി സി ബാത്, പാട്ടി പാട്നി ഓര് വോ, ഹവാസ്, മേരാ ജീവനാ, ഇന്കാര്, കിതാബ്, സേവ്ഡ് ജൂത്ത്, സാബൂട്ട്, ലവ് സ്റ്റോറി, ജോഷ്, എന്നിവ ഉള്പ്പടെ 198 ഓളം ചിത്രങ്ങളില് വിദ്യ വേഷമിട്ടിട്ടു.
ജീവ എന്ന ചിത്രത്തിനുശേഷം അഭിനയരംഗത്ത് നിന്ന് വിട്ടു നിന്ന വിദ്യ, പിന്നീട് സിദ്ദീഖ് സംവിധാനം ചെയ്ത സല്മാന് ഖാന് ചിത്രം ബോഡിഗാര്ഡിലൂടെയാണ് സിനിമ അഭിനയരംഗത്തേക്ക് തിരിച്ചെത്തുന്നത്. കാവ്യാഞ്ജലി, ഹാര് ജീത്ത്, ഖുബൂള് ഹായ്, ഇഷ്ക് കാ രംഗ് സേഫ്ഡ്, ചന്ദ്ര നന്ദിനി. കുല്ഫി കുമാര് ബാജേവാലാ തുടങ്ങിയ നിരവധി ടെലിവിഷന് ഷോകളിലും വിദ്യ അഭിനയിച്ചു. ഭര്ത്താവ് വെങ്കിടേശ്വര അയ്യര്. ജാന്വിയാണ് മകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates