ആരാധകര്‍ ഏറെ ആകാംക്ഷയോടെ കാത്തിരിക്കുന്ന മമ്മൂട്ടി ചിത്രമാണ് മധുരരാജ. വിഷുവിനോടനുബന്ധിച്ച് ഏപ്രില്‍ പന്ത്രണ്ടിന് ചിത്രം തിയേറ്റുകളില്‍ എത്തും. ഇപ്പോള്‍ ചിത്രത്തെ കുറിച്ച് പ്രവചനം നടത്തിയിരിക്കുകയാണ് നടന്‍ സന്തോഷ് പണ്ഡിറ്റ്.

മോഹന്‍ലാല്‍ ചിത്രമായ പുലിമുരുകന്റെ എല്ലാ റെക്കോര്‍ഡുകളും തകര്‍ത്ത് 200 കോടി ക്ലബില്‍ മധുരരാജ ഇടംപിടിക്കുമെന്നാണ് സന്തോഷ് പണ്ഡിറ്റിന്റെ പ്രവചനം. 'ഈ തെരഞ്ഞെടുപ്പില്‍ പലരും സ്ഥാനാര്‍ത്ഥികളായി ഉണ്ടാവാം. പക്ഷേ ഏറ്റവും മുമ്പന്‍ മധുരരാജ ആകും. ഇനി മത്സരം രണ്ടാം സ്ഥാനത്തിന് വേണ്ടി ആകും'- സന്തോഷ് പണ്ഡിറ്റ് ഫെയ്‌സ്ബുക്കില്‍ കുറിച്ചു.

പുലിമുരുകന്‍ സിനിമയുടെ അതേ ടീമാണ് മധുരരാജ ഒരുക്കുന്നത്. വൈശാഖ് സംവിധാനം ചെയ്യുന്ന ചിത്രത്തിന്റെ തിരക്കഥ എഴുതുന്നത് ഉദയ് കൃഷണയാണ്.