ഒരൊറ്റ ഗാനരംഗം കൊണ്ട് മാത്രം പ്രശസ്തയായ മലയാള നടിയാണ് പ്രിയ പ്രകാശ് വാര്യര്‍. 'ഒരു അഡാറ് ലൗ'വിലെ 'മാണിക്യ മലരായ പൂവി' എന്ന പാട്ട് പുറത്തിറങ്ങി ദിവസങ്ങള്‍ക്കം പ്രിയയും പാട്ടും വയറലാവുകയായിരുന്നു. പ്രിയയുടെ കണ്ണിറുക്കല്‍ രംഗത്തെ കളിയാക്കിയും പ്രശംസിച്ചും നിരവധി ട്രോളുകളും ഇറങ്ങിയിരുന്നു. 

ഇപ്പോള്‍ ബോളിവുഡില്‍ അരങ്ങേറ്റം കുറിക്കാനൊരുങ്ങുകയാണ് പ്രിയ. അതും പ്രശസ്ത ബോളിവുഡ് ഹോട്ട് താരം രണ്‍വീര്‍ സിങ്ങിനൊപ്പം. രോഹിത് ഷെട്ടിയുടെ സിംബ എന്ന ചിത്രത്തിലാണ് രണ്‍വീറിന്റെ നായികയായി പ്രിയ എത്തുന്നത്. ഡെക്കാന്‍ ക്രോണിക്കിളാണ് ഇതു സംബന്ധമായ വാര്‍ത്ത റിപ്പോര്‍ട്ട് ചെയ്തിരിക്കുന്നത്.

രോഹിത് ഷെട്ടി സംവിധാനം ചെയ്യുന്ന ചിത്രം കരണ്‍ ജൊഹറാണ് നിര്‍മ്മിക്കുന്നത്. ചിത്രത്തില്‍ രവീണ്‍ സിങ് പോലീസ് കഥാപാത്രത്തെയാണ് അവതരിപ്പിക്കുന്നത്. അതേസമയം പ്രിയ തന്നെയാണോ ചിത്രത്തിലെ നായിക എന്ന് സംബന്ധിച്ച് സിംബയുടെ അണിയറപ്രവര്‍ത്തകര്‍ ഔദ്യോഗിക പ്രഖ്യാപനങ്ങളൊന്നും നടത്തിയിട്ടില്ല.