മലയാളത്തിന്റെ മഹാനടന്‍ മോഹന്‍ലാലിനെ ഡി-ലിറ്റ് നല്‍കി ആദരിച്ച് കാലിക്കറ്റ് സര്‍വകലാശാല. അഭിനയത്തിലെ സമഗ്ര സംഭാവനയ്ക്കാണ് താരരാജാവിന് ഡി-ലിറ്റ് ബിരുദം നല്‍കിയത്. ബിരുദം സ്വീകരിച്ച് സംസാരിക്കുന്നതിന്റെ ചിത്രങ്ങള്‍ മോഹന്‍ലാല്‍ തന്റെ ഫേയ്‌സ്ബുക് പോസ്റ്റിലൂടെ പങ്കുവെച്ചു.
സര്‍വകലാശാലയുടെ അംഗീകാരത്തില്‍ സന്തോഷമുണ്ടെന്നും ഡി-ലിറ്റ് ആദരവോടെ സ്വീകരിക്കുന്നതായും ഫേയ്‌സ്ബുക് പോസ്റ്റിലൂടെ മോഹന്‍ലാല്‍ പറഞ്ഞു. ഇത് ആദ്യമായല്ല താരത്തിന് ഡി ലിറ്റ് ബിരുദം നേടുന്നത്. ഇന്ന് നടന്ന ചടങ്ങിലാണ് ബിരുദം നല്‍കിയത്. ഇതിന് മുന്‍പ് കാലടി ശ്രീ ശങ്കര സംസ്‌കൃത യൂണിവേഴ്‌സിറ്റി മോഹന്‍ലാലിന് ഡി- ലിറ്റ് നല്‍കിയിരുന്നു. വിവിധ മേഖലകളില്‍ മികച്ച സംഭാവന നേടിയവര്‍ക്കാണ് ഡോക്റ്റര്‍ ഓഫ് ലെറ്റേഴ്‌സ് എന്ന ബിരുദം നല്‍കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates