മുംബൈ: പ്രിയ പ്രകാശ് വാര്യരേയും മാണിക്ക മലരായ പൂവിയേയും വിടാന് ഉദ്ദേശിക്കാതെ മുസ്ലിം മത മൗലികവാദികള്. പ്രിയക്കും ഒരു അഡാര് ലവ് സംവിധായകന് ഒമര് ലുലുവിനുമെതിരെ ഹൈദരാബാദില് നല്കിയ പരാതിക്ക് പിന്നാലെ മഹാരാഷ്ട്രയിലും പരാതി.
ജനജാഗരണ് സമിതിയുടെ നേതൃത്വത്തില് ജിന്സി പൊലീസ് സ്റ്റേഷനിലാണ് പ്രിയക്കും ഒമറിനുമെതിരെ രണ്ട് പരാതികള് നല്കിയിരിക്കുന്നത്. എന്നാല് പൊലീസ് ഇതുവരേയും എഫ്ഐആര് രജിസ്റ്റര് ചെയ്തിട്ടില്ല.
മതവികാരം വ്രണപ്പെടുത്താനുള്ള കരുതിക്കൂട്ടിയുള്ള ശ്രമമാണ് ഇതെന്നും സംവിധായകനും നായികക്കും നിര്മ്മാതാവിനും എതിരെ ഐപിസി സെക്ഷന് 295 ചുമത്തി കേസെടുക്കണമെന്നും സമിതി പ്രസിഡന്റ് മുഹ്സിന് അഹമ്മദ് പറഞ്ഞതായി പിടിഐ റിപ്പോര്ട്ട് ചെയ്യുന്നു.
പരാതി ലഭിച്ചിട്ടുണ്ടെന്നും മേലുദ്യോഗസ്ഥരുടെ നിര്ദേശം അനുസരിച്ച് നടപടി സ്വീകരിക്കുമെന്നും ജിന്സി പൊലീസ് സ്റ്റേഷന് ഇന്സ്പെക്റ്റര് ഫഹീം ഹഷ്മി പറഞ്ഞു.
മാണിക്യ മലരായ പൂവി എന്ന് തുടങ്ങുന്ന ഗാനം നബിയെയും ഭാര്യയേയും അപമാനിക്കുന്നതാണ് എന്ന തരത്തിലാണ് സോഷ്യല് മീഡിയയിലും പുറത്തും മുസ്ലിം മത മൗലികവാദികളുടെ പ്രചാരണം നടക്കുന്നത്. ആദ്യ കേസ് രജിസ്റ്റര് ചെയ്തതിന് പിന്നാലെ പാട്ട് പിന്വലിക്കുകയാണ് എന്ന് പറഞ്ഞ് സംവിധായകന് ഒമര് ലുലു രംഗത്തെത്തിയെങ്കിലും പിന്നീട് തീരുമാനം മാറ്റുകയായിരുന്നു. ലക്ഷക്കണിക്കിന് ആളുകളാണ് ചുരുങ്ങിയ സമയം കൊണ്ട് ഗാനം യൂടൂബില് കണ്ടത്. ദേശീയ മാധ്യമങ്ങളിലും അന്താരാഷ്ട്ര മാധ്യമങ്ങളിലും ഗാനം ചര്ച്ച ചെയ്യപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates