2019ൽ പുറത്തിറങ്ങിയ മികച്ച ചിത്രങ്ങളിൽ ഒന്നായ കുമ്പളങ്ങി നൈറ്റ്സിൽ ശ്രദ്ധേയ വേഷത്തിലെത്തി പ്രേക്ഷകപ്രീതി സ്വന്തമാക്കിയ നടിയാണ് ​ഗ്രേസ് ആന്റണി. തമാശ, പ്രതി പൂവൻകോഴി എന്നീ ചിത്രങ്ങളിലും ​ഗ്രേസ് മികച്ച പ്രകടനംതന്നെ കാഴ്ചവച്ചു. ഇപ്പോഴിതാ നടി നായികയായി എത്തുന്ന സിനിമയുടെ ചിത്രീകരണം പുരോ​ഗമിക്കുകയാണ്. സുഡാനി ഫ്രം നൈജീരിയയ്ക്ക് ശേഷം സക്കറിയ മുഹമ്മദ് ഒരുക്കുന്ന 'ഒരു ഹലാൽ ലവ് സ്റ്റോറി' എന്ന ചിത്രത്തിലാണ് ഗ്രേസ് നായികയാകുന്നത്. 

ഇതിനിടയിൽ ​ഗ്രേസിന്റെ തകർപ്പൻ നൃത്തമാണ് സോഷൽ മീഡിയ ഏറ്റെടുത്തിരിക്കുന്നത്. അവാർഡ് നിശയിലോ സിനിമയിലോ ചെയ്ത നൃത്തമല്ല മറിച്ച് സുഹൃത്തുക്കളുമായി ചേർന്നുള്ള പ്രാക്ടീസിനിടെ പകർത്തിയ വിഡിയോയാണ് ഇപ്പോൾ ശ്ര​​ദ്ധനേടുന്നത്. മോഹൻലാലും മമ്മൂട്ടിയും ഒന്നിച്ചഭിനയിച്ച ഹരികൃഷ്ണൻസിലെ ബേബി ശ്യാമിലി പാടിയഭിനയിച്ച 'മിന്നൽ കൈവള ചാര്‍ത്തി, മഴവില്ലൂഞ്ഞാലാടി...' എന്ന് തുടങ്ങുന്ന ഗാനത്തിനാണ് ​ഗ്രേസ് ചുവടുവച്ചിരിക്കുന്നത്.  

റിയാലിറ്റി ഷോയിലൂടെ ശ്രദ്ധേയനായ സുഹൈദ് കുക്കുവും താരത്തിനൊപ്പമുണ്ട്. നൃത്തവിഡിയോ ​ഗ്രേസ് തന്നെയാണ് ആരാധകരുമായി പങ്കുവച്ചത്.