മീന്‍ ചട്ടിയില്‍ പഴങ്കഞ്ഞി, കൂടെ വറുത്ത മീനും മീന്‍കറിയും. ആരുടേയും വായില്‍ വെള്ളം നിറക്കുന്ന ചിത്രം പങ്കുവെച്ചിരിക്കുകയാണ് ഗായികയും അവതാരികയുമായ റിമി ടോമി. മംഗലാപുരത്തെ കാന്താരി എന്ന ഹോട്ടലില്‍ നിന്നാണ് താരം മലയാളികളുടെ നൊസ്റ്റാള്‍ജിക് ഫുഡ് കഴിച്ചത്. ഇടയ്ക്ക് ഒരു പഴങ്കഞ്ഞിയൊക്കെ ആവാം എന്ന അടിക്കുറിപ്പിലാണ് താരം ഫോട്ടോ പങ്കുവെച്ചിരിക്കുന്നത്. മികച്ച പ്രതികരണമാണ് ചിത്രത്തിന് ലഭിക്കുന്നത്.

സോഷ്യല്‍ മീഡിയയില്‍ ആക്റ്റീവായ താരം തന്റെ വിശേഷങ്ങള്‍ ആരാധകരുമായി പങ്കുവെക്കാറുണ്ട്. കുടുംബവുമായുള്ള ഓണം ആഘോഷിക്കുന്നതിന്റെ ചിത്രങ്ങളും റിമി പോസ്റ്റ് ചെയ്തിരുന്നു. മികച്ച പ്രതികരണമാണ് ഇവയ്ക്ക് ലഭിച്ചത്. സഹോദരന്റെ ഭാര്യയും നടിയുമായ മുക്തയ്‌ക്കൊപ്പമുള്ള ഡാന്‍സ് വിഡിയോയും വൈറലായിരുന്നു.