പ്രിയ സുഹൃത്ത് ദേവിക അദ്വാനിയുടെ വിവാഹാഘോഷങ്ങളിൽ പങ്കെടുത്ത നടി ആലിയ ഭട്ടിന്റെ ചിത്രങ്ങളാണ് സമൂഹമാധ്യമങ്ങളിൽ വൈറലാകുന്നത്. സംഗീതിലും മെഹന്തിചടങ്ങിലുമടക്കം ആലിയ പങ്കെടുത്തിരുന്നു. സംഗീത് ചടങ്ങില്‍ ബാല്യകാല ഓര്‍മകള്‍ പങ്കുവച്ച് ആലിയ നടത്തിയ പ്രസംഗവും ഏറെ വൈറലായിരുന്നു.

ഇളംപച്ച നിറത്തിൽ ഫ്ലോറൽ ഡിസൈനുള്ള  മനോഹരമായ ലെഹങ്കയായിരുന്നു സംഗീത് ചടങ്ങിന് ആലിയ അണിഞ്ഞത്. നേവി ബ്ലൂ നിറത്തിലുള്ള ലെഹങ്കയായിരുന്നു വിവാഹചടങ്ങുകളിലെ ആലിയയുടെ വേഷം.

 “ഏറ്റവും പ്രിയപ്പെട്ട കൂട്ടുകകാരി അവളുടെ സ്വപ്നങ്ങളിലെ പുരുഷനെ വിവാഹം ചെയ്യുന്നത് കാണുന്നതിലും മികച്ചൊരു കാഴ്ച വേറെ കാണാനില്ല. അതിമനോഹരമായ വിവാഹം,” എന്ന് കുറിച്ചാണ് വധുവിന്റെയും വരന്റെയും ചിത്രം ആലിയ പങ്കുവച്ചത്.