മകള്‍ ശ്വേത ബച്ചന്‍ നന്ദ ഡിസൈനര്‍ വസ്ത്രമണിഞ്ഞ് റാംപിലൂടെ നടന്നുനീങ്ങുന്നത് കാണാന്‍ മുന്‍നിരയില്‍ സ്ഥാനമുറപ്പിച്ച അമിതാഭ് ബച്ചന്റെയും ഭാര്യ ജയ ബച്ചന്റെയും വിഡിയോയാണ് ഇപ്പോള്‍ സമൂഹമാധ്യമങ്ങളില്‍ പ്രചരിക്കുന്നത്. അബു ജാനി, സന്ദീപ് കോഷ്‌ല എന്നീ ഡിസൈനര്‍മാര്‍ ചേര്‍ന്ന് ഒരുക്കിയ വസ്ത്രം ധരിച്ചാണ് ശ്വേത റാംപിലെത്തിയത്. സോനം കപൂറിനും കരണ്‍ ജോഹറിനും ഒപ്പമാണ് ശ്വേതയും വേദിയിലെത്തിയത്. 

ബ്രൈഡല്‍ ലെഹങ്‌ലയിലും ചിക്കന്‍കാരി വേഷത്തിലും റാംപിലെത്തിയ ശ്വേത ഇരു വേഷത്തിലും അതിസുന്ദരിയായിരുന്നു. ശ്വേത നടന്നുനീങ്ങുമ്പോള്‍ കാണികള്‍ക്കിടയിലിരുന്ന് ജയയും അമിതാഭും കൈയ്യടിക്കുന്നതും വിഡിയോയില്‍ കാണാം. കെയറിങ് വിത്ത് സ്‌റ്റൈല്‍ എന്ന പേരില്‍ സംഘടിപ്പിച്ച പരിപാടി കാന്‍സര്‍ പേഷ്യന്റ്‌സ് എയിഡ്‌സ് അസോസിയേഷന്റെ പങ്കാളിത്തതോടെയാണ് നടത്തിയത്.