ജനങ്ങളുടെ ഇടയിൽ ഇറങ്ങി പ്രവർത്തിക്കുന്നത് പോലെ സോഷ്യൽമീഡിയയിലും സജീവമാണ് കേന്ദ്രമന്ത്രി സ്മൃതി ഇറാനി.  ജോലിസംബന്ധമായ കാര്യങ്ങൾക്കു പുറമേ വ്യക്തിജീവിതത്തിലെ വിശേഷങ്ങളും സ്മൃതി ഇറാനി സോഷ്യൽമീ‍ഡിയയിൽ പങ്കുവെക്കാറുണ്ട്. അത്തരത്തിൽ ഇൻസ്റ്റാ​ഗ്രാമിൽ പങ്കുവെച്ച പോസ്റ്റാണ് ഇപ്പോൾ ശ്രദ്ധ നേടുന്നത്. 

''ജോലി ചെയ്യുന്നതിടെ എന്തെങ്കിലും സമ്മാനം വേണോ എന്ന് അവൾ ചോദിച്ചു. ഒരു ആലിംഗനം തരാൻ ഞാനാവശ്യപ്പെട്ടു. വീട്ടിലിരുന്നു അവൾ തന്നു''- ഇൻസ്റ്റഗ്രാം സ്റ്റോറിയിൽ സ്മൃതി ഇറാനി കുറിച്ചു. സ്റ്റോറിയിൽ പറഞ്ഞിരിക്കുന്ന അവൾ ആരാണെന്ന് ഇൻസ്റ്റഗ്രാമിൽ പറയുന്നില്ലെങ്കിലും അത് മകളാണെന്നാണ് സമൂഹമാധ്യമങ്ങളിലെ സംസാരം. 

മകൾക്കും കുടുംബത്തിനുമൊപ്പമുള്ള ചിത്രങ്ങൾ മുൻപും സ്മൃതി ഇറാനി സമൂഹമാധ്യമങ്ങളിൽ പങ്കുവെച്ചിട്ടുണ്ട്.