ഇന്ഡോര്: 17 അടി ഉയരമുള്ള മതില് ചാടിക്കടന്ന് ജയിലില് നിന്ന് രക്ഷപെട്ടോടിയ നാല് കസ്റ്റഡി തടവുകാരെ പിടികൂടി. ഇന്ഡോറിലെ സബ് ജയിലില് നിന്നാണ് പ്രതികള് രക്ഷപെടാന് ശ്രമിച്ചത്. നാട്ടുകാരുടെ സഹായത്തോടെയാണ് ജയില് ജീവനക്കാര് ഇവരെ പിടികൂടിയത്.
വികാസ്, സഞ്ജയ്, ദേവ്കാരന്, വിനോദ് എന്നിവരാണ് തടവുചാടാന് ശ്രമിച്ചത്. പരസ്പരം തോളില് ചവിട്ടിയാണ് ഉയരമുള്ള മതില് ഇവര് ചാടിക്കടന്നത്. തടവുചാടാന് ശ്രമിക്കുന്നത് ശ്രദ്ധയില്പ്പെട്ട നാട്ടുകാരാണ് ജയില് അധികൃതരെ വിവരമറിയിച്ചത്. പിന്നീട് നാല് പ്രതികളെയും പിടികൂടി.
മതില് ചാടിക്കടന്ന് രക്ഷപെടാന് ശ്രമിക്കുന്നതിന് മുമ്പ് ജയില് സുരക്ഷാ ജീവനക്കാരിലൊരാളില് നിന്ന് താക്കോല് കൈക്കലാക്കാന് ഇവര് ശ്രമിച്ചിരുന്നു. എന്നാല് ശ്രമം പരാജയപ്പെട്ടു. ഇതോടെയാണ് ഉയരമുള്ള മതില് ചാടാന് നാലവര് സംഘം പദ്ധതിയിട്ടത്. വിചാരണ തടവുകാരാണ് ജയില് ചാടാന് ശ്രമിച്ച നാല് പേരുമെന്ന് പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates