ന്യൂഡല്‍ഹി: മൂന്ന് പേര്‍ ചേര്‍ന്ന് ഒരാളെ കൊള്ളയടിക്കുന്നതിന്റെ വീഡിയോ പുറത്ത്. ഡല്‍ഹിയിലെ രഘുവീര്‍ പ്രദേശത്തുനിന്നുള്ള വീഡിയോയാണ് സമൂഹമാധ്യമങ്ങളില്‍ വൈറലായത്. മൂന്നംഗസംഘം ആദ്യം അയാളെ ബെല്‍റ്റൂരി അടിക്കുന്നു. പിന്നാലെ അയാളുടെ വസ്ത്രങ്ങളുള്‍പ്പെടെ ഈരിയെടുത്ത് കവര്‍ച്ച ചെയ്യുന്നതാണ് വീഡിയോയില്‍ ഉള്ളത്. പ്രതികളെ പിടികൂടിയതായി പൊലീസ് പറഞ്ഞു. 

രാത്രിയിലായിരുന്നു മൂന്നംഗസംഘം ഇയാളെ കൊള്ളയടിച്ചത്. ഈ സമയത്ത് മറ്റാരും റോഡില്‍ ഉണ്ടായിരുന്നില്ല. മോഷണത്തിനിടെ ഒരാള്‍ ബൈക്കുമായി അതുവഴി വന്നിരുന്നെങ്കിലും ഉടന്‍ തിരിച്ചുപോകുന്നതും വീഡിയോയില്‍ വ്യക്തമാണ്.

കവര്‍ച്ച നടത്തിയയാള്‍ ഡ്രൈവറാണെന്നും മൂന്ന് പേര്‍ക്കെതിരെ കേസ് എടുത്തതായും പൊലീസ് അറിയിച്ചു. ലഖ്‌വീന്ദര്‍, ദീപക്, ആകാശ് എന്നീ വരാണ് അറസ്റ്റിലായത്. ഇവരില്‍ നിന്ന് കവര്‍ച്ച ചെയ്ത വസ്തുക്കള്‍ കണ്ടെടുത്തതായും പൊലീസ് പറഞ്ഞു.