ന്യൂഡല്‍ഹി: അയല്‍വാസിയായ യുവതിയെ നായയെ അഴിച്ചുവിട്ട് കടിപ്പിച്ചതായി പരാതി. വടക്കന്‍ ഡല്‍ഹിയിലെ സ്വരൂപ് നഗര്‍ സ്വദേശി റിയാ ദേവിക്ക് നേരേയാണ് ആക്രമണമുണ്ടാത്. സംഭവത്തില്‍ നായയുടെ ഉടമയായ അയല്‍ക്കാരനെതിരേ പൊലീസ് കേസെടുത്തു.
പിറ്റ്ബുള്‍ ഇനത്തില്‍പ്പെട്ട നായയാണ് യുവതിക്ക് നേരെ പാഞ്ഞടുക്കയും കടിച്ച് പരിക്കേല്‍പ്പിക്കുകയും ചെയ്തത്. കൈയിലും കാലിലും ഉള്‍പ്പെടെ അഞ്ചുതവണ നായയുടെ കടിയേറ്റെന്നാണ് റിയാദേവിയുടെ പരാതിയില്‍ പറയുന്നത്.
അയല്‍ക്കാരന്റെ വളര്‍ത്തുനായ തന്റെ വീടിന് മുന്നില്‍ പതിവായി മലമൂത്രവിസര്‍ജനം നടത്തുന്നത് റിയാദേവി ചോദ്യംചെയ്തതാണ് ആക്രമണത്തിന് കാരണമെന്നാണ് വിവരം.
വീടിന് മുന്നില്‍ സ്ഥാപിച്ച സിസിടിവി കാമറയിലെ ദൃശ്യങ്ങളില്‍ അയല്‍ക്കാരന്‍ നായയുമായി വീടിന് മുന്നില്‍ നില്‍ക്കുന്നതും നായ മലമൂത്രവിസര്‍ജനം നടത്തുന്നതും യുവതി കണ്ടു. ഇതേതുടര്‍ന്ന് ഇത് ചോദ്യം ചെയ്യാന്‍ യുവതി എത്തി. ഇരുവരും തമ്മില്‍ വാക്കേറ്റം ഉണ്ടാകുകയും പിന്നാലെ അയല്‍ക്കാരന്‍ നായയെ കെട്ടഴിച്ചുവിടുകയായിരുന്നു. ശബ്ദം കേട്ട് സമീപവാസികള്‍ ഓടിയെത്തിയാണ് യുവതിയെ രക്ഷിച്ചത്.
നായയുടെ ഉടമയായ അയല്‍ക്കാരന്‍ നേരത്തെയും സമീപവാസികളുമായി പ്രശ്നങ്ങളുണ്ടാക്കിയിട്ടുണ്ടെന്ന് റിയാദേവിയുടെ ഭര്‍ത്താവും പ്രതികരിച്ചു. അതേസമയം, സംഭവത്തില്‍ സിസിടിവി ദൃശ്യങ്ങളുടെ അടിസ്ഥാനത്തില്‍ കേസെടുത്തിട്ടുണ്ടെന്നും അന്വേഷണം നടന്നുവരികയാണെന്നും സ്വരൂപ് നഗര്‍ പൊലീസ് അറിയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates