ന്യൂഡൽഹി: ഇന്ത്യൻ മെഡിക്കൽ അസോസിയേഷൻ (ഐ.എം.എ) മുൻ പ്രസിഡന്റായ പത്​​മശ്രീ ഡോ. കെ കെ അഗർവാൾ കോവിഡ്​ ബാധിച്ച്​ മരിച്ചു. ​കോവിഡ്​ സ്​ഥിരീകരിച്ചതിനെ തുടർന്ന്​ വെന്റിലേറ്ററിലായിരുന്നു.  ഇന്നലെ രാത്രി 11.30ഓടെ ഡൽഹി എയിംസിലായിരുന്നു അന്ത്യം. 

കോവിഡ് വ്യാപന നാളുകളിൽ വിഡിയോയിലൂടെയും മറ്റും  ജനങ്ങളെ ബോധവത്കരിക്കുന്നതിനും നിർദേശങ്ങൾ നൽകുന്നതിനും അഗർവാൾ  മുൻകൈയെടുത്തിരുന്നു. കൊറോണ വൈറസിനെക്കുറിച്ചും ബ്ലാക്ക്​ ഫംഗസിനെക്കുറിച്ചും അദ്ദേഹം വിഡിയോകൾ പുറത്തിറക്കിയിരുന്നു.