ഭക്ഷണരംഗത്ത് പുതിയ പരീക്ഷണങ്ങള്‍ നടത്താന്‍ മത്സരിക്കുന്ന കാലത്തിലൂടെ കടന്നുപോകുന്നത്. എങ്ങനെ വ്യത്യസ്തമായ ഭക്ഷണം ഏറെ രുചികരമായി പാചകം ചെയ്യാം എന്നാണ് എല്ലാവരും ചിന്തിക്കുന്നത്. ഓംലെറ്റ് ഒട്ടുമിക്ക ആളുകളുടെയും ഇഷ്ടവിഭവമാണ്. തിരക്കുപിടിച്ച ലോകത്ത് എളുപ്പത്തില്‍ പാചകം ചെയ്യാന്‍ സാധിക്കുമെന്നതാണ് ഇത് കൂടുതല്‍ പ്രിയങ്കരമാകാന്‍ കാരണം. 

ഇപ്പോള്‍ ഭീമന്‍ ഓംലെറ്റിന്റെ വീഡിയോയാണ് വ്യാപകമായി പ്രചരിക്കുന്നത്. 'ARE YOU HUNGRY' എന്ന യൂട്യൂബ് ഹാന്‍ഡിലാണ് വീഡിയോ പങ്കുവെച്ചത്.
40 മുട്ടകള്‍ ഉപയോഗിച്ചാണ് ഭീമന്‍ ഓംലെറ്റ് പാചകം ചെയ്തത്. തെരുവു കച്ചവടക്കാരന്‍ ഭീമന്‍ ഓംലെറ്റ് ഉണ്ടാക്കുന്ന വീഡിയോ കണ്ട് സോഷ്യല്‍മീഡിയ ആശ്ചര്യപ്പെടുകയാണ്. വ്യാപകമായാണ് ഇത് സോഷ്യല്‍മീഡിയയിലടക്കം പ്രചരിക്കുന്നത്.

വെണ്ണയും സവാളയും ഇഞ്ചിയും പച്ചമുളകും എല്ലാം ഉപയോഗിച്ചാണ് പാചകം. 40 മുട്ട പൊട്ടിച്ച് ഒരു പാത്രത്തിലാക്കി ഇളക്കുന്നതും തുടര്‍ന്ന് പാനില്‍ ഒഴിച്ച് പാചകം ചെയ്യുന്നതുമാണ് വീഡിയോയില്‍ ഉള്ളത്. ഒടുവില്‍ ചീസും പനീറുമെല്ലാം ചേര്‍ത്ത് വ്യത്യസ്ത വിഭവമായി മാറ്റുന്നിടത്താണ് വീഡിയോ അവസാനിക്കുന്നത്.