വിശാഖപട്ടണം: പെരുമ്പാമ്പിന്റെ ആക്രമണത്തില്‍ നിന്ന് തലനാരിഴയ്ക്ക് രക്ഷപ്പെട്ട് ലോറി ഡ്രൈവര്‍. മദ്യലഹരിയിലായിരുന്ന ഡ്രൈവര്‍ ദേഹത്തുകൂടി പെരുമ്പാമ്പ് ഇഴഞ്ഞുനീങ്ങുന്നത് അറിഞ്ഞില്ല. ഇത് ശ്രദ്ധയില്‍പ്പെട്ട നാട്ടുകാര്‍ ഉടന്‍ രക്ഷയ്ക്ക് എത്തുകയായിരുന്നു.

ആന്ധ്രയിലെ അവുകു മണ്ഡലിലെ സിങ്കനപ്പള്ളി ഗ്രാമത്തിലാണ് സംഭവം. ഡ്യൂട്ടി കഴിഞ്ഞ് അമിതമായി മദ്യപിച്ച ഡ്രൈവര്‍ വീട്ടിലേക്ക് നടക്കാന്‍ കഴിയാതെ പ്ലാറ്റ്ഫോമില്‍ ഇരുന്നു. ചുറ്റുപാടും നടക്കുന്നത് അറിയാതെ മദ്യലഹരിയില്‍ മയങ്ങിപ്പോയ ഡ്രൈവറുടെ ദേഹത്തുകൂടി പെരുമ്പാമ്പ് ഇഴഞ്ഞുകയറുകയായിരുന്നു.

കൃഷ്ണമൃഗത്തെ വിഴുങ്ങി കൂറ്റന്‍ പെരുമ്പാമ്പ്, നാട്ടുകാരുടെ ഇടപെടല്‍; ഒടുവില്‍- വിഡിയോ

സമീപത്തെ കുറ്റിക്കാട്ടില്‍ നിന്ന് വന്ന പാമ്പാണ് ഡ്രൈവറുടെ മേല്‍ കയറിയത്. പാമ്പിനെ കണ്ട നാട്ടുകാര്‍ ഓടിയെത്തി പെരുമ്പാമ്പിന്റെ ആക്രമണത്തില്‍ നിന്ന് യുവാവിനെ രക്ഷിക്കുകയായിരുന്നു. വടികളും മറ്റും ഉപയോഗിച്ച് പാമ്പിന്റെ ശ്രദ്ധ തിരിച്ചാണ് ഡ്രൈവറെ രക്ഷിച്ചത്.