മുംബൈ: മഹാരാഷ്ട്രയില്‍ എലിയെ പിടികൂടാന്‍ വച്ചിരുന്ന പശ വച്ചുള്ള കെണിയില്‍ കുരുങ്ങിയത് പാമ്പ്. ഒരടി നീളമുള്ള ചേരയാണ് കെണിയില്‍ കുടുങ്ങിയത്. ഒന്നും അനങ്ങാന്‍ പോലും കഴിയാതെ ബുദ്ധിമുട്ടിയ പാമ്പിനെ മൃഗസംരക്ഷണ പ്രവര്‍ത്തകര്‍ എത്തി രക്ഷിച്ചു.

മുംബൈ മുളുന്ദിലാണ് സംഭവം. പശ വച്ചുള്ള കെണിയില്‍ അനങ്ങാന്‍ പോലും കഴിയാത്ത നിലയിലായിരുന്നു ചേര. അമ്മ കെയര്‍ ഫൗണ്ടേഷനും പ്ലാന്റ് ആന്റ് അനിമല്‍സ് വെല്‍ഫെയര്‍ സൊസൈറ്റിയും ചേര്‍ന്നാണ് പാമ്പിനെ രക്ഷിച്ചത്. എലിയെ കുടുക്കാന്‍ ഇത്തരത്തിലുള്ള കെണി ഉപയോഗിക്കുന്നത് മറ്റു മൃഗങ്ങള്‍ക്കും ഭീഷണിയാണെന്ന് വിദഗ്ധര്‍ മുന്നറിയിപ്പ് നല്‍കി.