മുംബൈ: ഗുണനിലവാരമില്ലാത്ത ഭക്ഷണം വിളമ്പിയ കാറ്ററിങ് ജീവനക്കാരന്റെ മുഖത്ത് അടിച്ച് എംഎല്‍എ. ഏക്നാഥ് ഷിന്‍ഡെ പക്ഷത്തുള്ള ശിവസേന എംഎല്‍എ സന്തോഷ് ബംഗര്‍ ആണ് കാറ്ററിങ് ജീവനക്കാരനെ മര്‍ദ്ദിച്ചതും അധിക്ഷേപിച്ചതും. മുഖത്തടിക്കുന്ന എംഎല്‍എയുടെ വീഡിയോ വ്യാപകമായാണ് പ്രചരിക്കുന്നത്. 

മഹാരാഷ്ട്രയിലെ ഹിംഗോലി ജില്ലയിലെ ഉച്ചഭക്ഷണ പരിപാടിയുടെ ഭാഗമായി നല്‍കുന്ന ഭക്ഷണത്തിന് ഗുണനിലവാരമില്ലെന്ന് പറഞ്ഞാണ് എംഎല്‍എയുടെ മര്‍ദ്ദനം. എംഎല്‍എ ഇയാളുടെ മുഖത്തടിക്കുന്നതും അധിക്ഷേപിക്കുന്നതും വീഡിയോയില്‍ കാണാം. 

ഭക്ഷണത്തിന്റെ ഗുണനിലവാരത്തെ കുറിച്ച് നിരവധി പരാതികള്‍ ലഭിച്ച സാഹചര്യത്തിലാണ് പരിശോധനയ്ക്കായി നേരിട്ട് എത്തിയതെന്നാണ് എംഎല്‍എയുടെ വാദം. 

മഹാരാഷ്ട്ര നിയമസഭയില്‍ വിശ്വാസ വോട്ടെടുപ്പിന് തൊട്ടുമുന്‍പാണ് ഉദ്ധവ് താക്കറെയ്‌ക്കൊപ്പം നിന്ന സന്തോഷ് ബംഗര്‍ മറുപക്ഷത്തേക്ക് ചാടിയത്. ഇതേതുടര്‍ന്ന് ബംഗറിനെ സേനാ നേതൃത്വം ഹിംഗോലി ജില്ലാ പ്രസിഡന്റ് സ്ഥാനത്ത് നിന്ന് നീക്കുകയും ചെയ്തു. ഏക്‌നാഥ് ഷിന്‍ഡെയ്ക്ക്് ഒപ്പം പോയ എംഎല്‍എമാരോട് തിരികെയെത്താനും അദ്ദേഹം ആവശ്യപ്പെട്ടിരുന്നു.

ഈ വാര്‍ത്ത കൂടി വായിക്കൂ

ചൈനീസ് ചാരക്കപ്പല്‍ ലങ്കന്‍ തീരത്ത്; ആശങ്കയോടെ ഇന്ത്യ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ