ന്യൂഡല്‍ഹി : രാജ്യത്ത് കോവിഡ് വ്യാപനം കുറയുന്നു. കഴിഞ്ഞ 24 മണിക്കൂറിനിടെ 20,036 പേര്‍ക്കാണ് പുതുതായി കോവിഡ് രോഗബാധ കണ്ടെത്തിയത്. 23,181 പേര്‍ ഇന്നലെ മാത്രം രോഗമുക്തരായതായും കേന്ദ്ര ആരോഗ്യമന്ത്രാലയം അറിയിച്ചു. 

രാജ്യത്ത് നിലവില്‍ ചികില്‍സയിലുള്ളവരുടെ എണ്ണം രണ്ടര ലക്ഷത്തിന് അടുത്തെത്തി.  2,54,254 പേരാണ് ഇപ്പോള്‍ രാജ്യത്ത് ചികില്‍സയിലുള്ളത്. 

പുതുതായി 20,036 പേര്‍ക്കു കൂടി രോഗബാധ സ്ഥിരീകരിച്ചതോടെ, രാജ്യത്തെ ആകെ കോവിഡ് ബാധിതരുടെ എണ്ണം 1,02,86,710 ആയി ഉയര്‍ന്നു. അതേസമയം ആകെ രോഗമുക്തര്‍ 98,83,461  ആയിട്ടുണ്ട്.

 രോ​ഗമുക്തി നിരക്ക് 96.08 ശതമാനമാണ്. കഴിഞ്ഞ 24 മണിക്കൂറിനിടെ 256 പേരാണ് മരിച്ചത്. ഇതോടെ രാജ്യത്തെ ആകെ കോവിഡ് മരണം  1,48,994 ആയി ഉയര്‍ന്നു.