ലഖ്നൗ: മുന് പ്രധാനമന്ത്രി ലാല് ബഹാദൂര് ശാസ്ത്രിയുടെ ചെറുമകന് വിഭാകര് ശാസ്ത്രി ബിജെപിയില് ചേര്ന്നു.
ഉത്തര്പ്രദേശ് ഉപമുഖ്യമന്ത്രി ബ്രജേഷ് പതക്കിന്റെ സാന്നിധ്യത്തിലാണ് ബിജെപിയില് അംഗത്വം എടുത്തത്. കോണ്ഗ്രസിന്റെ പ്രാഥമിക അംഗത്വത്തില് നിന്ന് രാജിവച്ചതിനു പിന്നാലെയാണ് ശാസ്ത്രി ബിജെപിയില് ചേര്ന്നത്.
ബിജെപിയില് ചേര്ന്നതിന് ശേഷം, ലാല് ബഹദൂര് ശാസ്ത്രിയുടെ 'ജയ് ജവാന്, ജയ് കിസാന്' എന്ന കാഴ്ചപ്പാടുമായി ബന്ധപ്പെടാന് തനിക്ക് അവസരം നല്കിയതിന് പ്രധാനമന്ത്രി നരേന്ദ്ര മോദി, യുപി മുഖ്യമന്ത്രി യോഗി ആദിത്യനാഥ്, പാര്ട്ടിയിലെ മറ്റ് നേതാക്കള് എന്നിവരോട് വിഭാകര് നന്ദി പറഞ്ഞു. പ്രധാനമന്ത്രി നരേന്ദ്ര മോദിയുടെ നേതൃത്വത്തില് ലാല് ബഹദൂര് ശാസ്ത്രിയുടെ 'ജയ് ജവാന്, ജയ് കിസാന്' എന്ന കാഴ്ചപ്പാട് കൂടുതല് ശക്തിപ്പെടുത്തുന്നതിലൂടെ രാജ്യത്തെ സേവിക്കാന് കഴിയുമെന്ന് കരുതുന്നതായും അദ്ദേഹം പറഞ്ഞു.
'ബഹുമാനപ്പെട്ട കോണ്ഗ്രസ് അധ്യക്ഷന് ഖാര്ഗെ ജി! ബഹുമാനപ്പെട്ട സര്, ഇന്ത്യന് നാഷണല് കോണ്ഗ്രസിന്റെ പ്രാഥമിക അംഗത്വത്തില് നിന്നുള്ള രാജിക്കത്ത് സമര്പ്പിക്കുന്നു. ആദരവോടെ വിഭാകര് ശാസ്ത്രി എന്നാണ് എക്സില് കുറിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates