ബെംഗളൂരു: പരപ്പന അഗ്രഹാര ജയിലില്‍ കഴിയുന്ന വി കെ ശശികലയ്ക്ക് ദേഹാസ്വാസ്ഥ്യം. പനിയും ശ്വാസ തടസ്സവും അനുഭവപ്പെട്ടതിനെ തുടര്‍ന്ന് ബെംഗളൂരു ബോറിങ് ആശുപത്രിയിലേക്ക് മാറ്റി. 

ഇന്നലെ ജയിലിനുള്ളിലെ ആശുപത്രിയില്‍ പ്രവേശിപ്പിച്ചെങ്കിലും അസുഖം മാറാത്തതിനെ തുടര്‍ന്നാണ് ബോറിങ് ആശുപത്രിയിലേക്ക് മാറ്റിയത്. 

അനധികൃത സ്വത്ത് സമ്പാദനക്കേസില്‍ ജയില്‍ ശിക്ഷ അനുഭവിച്ചുവരുന്ന ശശികല ജനുവരി 27ന് മോചിതയാകാനിരിക്കെയാണ് അസുഖത്തെ തുടര്‍ന്ന് ആശുപത്രിയിലേക്ക് മാറ്റിയത്. 

 അനധികൃത സ്വത്ത് സമ്പാദന കേസില്‍ നാല് വര്‍ഷം തടവും പത്ത് കോടി രൂപ പിഴയുമായിരുന്നു ശശികലയ്ക്ക് ശിക്ഷ വിധിച്ചത്. സുപ്രീം കോടതി വിധിച്ച പത്ത് കോടി രൂപയുടെ പിഴ ബെംഗളൂരു പ്രത്യേക കോടതിയില്‍ ശശികല അടച്ചിരുന്നു. ഇതോടെയാണ് മോചനത്തിന് വഴി തെളിഞ്ഞത്.