ജയ്പൂര്‍: ഐസിയുവില്‍ അഡ്മിറ്റ് ചെയ്ത സ്ത്രീയെ ലൈംഗികതിക്രമത്തിന് ഇരയാക്കിയ ആശുപത്രി ജീവനക്കാരന്‍ അറസ്റ്റില്‍. രാജസ്ഥാനിലെ ഒരു സ്വകാര്യ ആശുപത്രിയിലെ മെയില് നഴ്‌സാണ് അറസ്റ്റിലായതെന്ന് പൊലീസ് പറഞ്ഞു,

ഭര്‍ത്താവിന്റെ പരാതിയില്‍ ബലാത്സംഗക്കുറ്റം ചുമത്തിയാണ് പ്രതിയെ അറസ്റ്റ് ചെയ്തത്. തിങ്കളാഴ്ച രാത്രിയാണ് യുവതിയെ ഐസിയുവില്‍ പ്രവേശിപ്പിച്ചത്. അര്‍ധബോധാവസ്ഥയിലായിരുന്ന യുവതി കഴിയുന്നവിധം എതിര്‍പ്പ് പ്രകടിപ്പിച്ചിട്ടും മെയില്‍ നഴ്‌സ് ലൈംഗികമായി അതിക്രമിക്കുകയായിരുന്നെന്ന് ഡിസിപി പറഞ്ഞു.

പിറ്റേദിവസം രാവിലെ യുവതി ഭര്‍ത്താവിനോട് ദുരനുഭവം പറയുകയായിരുന്നു. തുടര്‍ന്ന് യുവതി ഐസിയുവില്‍ നിന്ന് പൊലീസിന് പരാതി എഴുതി നല്‍കുകയായിരുന്നു.