മുംബൈ: ഇന്ത്യന്‍ പ്രധാനമന്ത്രി നരേന്ദ്രമോദിക്കെതിരെ വിമര്‍ശനവുമായി ശിവസേന മേധാവി ഉദ്ദവ് താക്കറെ. ഗുജറാത്ത് വികസനം ഉയര്‍ത്തിക്കാണിച്ചുള്ള മോദിയയയുടെ അവകാശവാദങ്ങള്‍ക്ക് മറുപടിയുമായാണ് താക്കറെ രംഗത്തുവന്നത്.കശ്മീരില്‍ ജവാന്‍ കൊല്ലപ്പെടുന്നത് തടയുന്നതില്‍ മോദി സര്‍ക്കാര്‍ പരാജയപ്പെട്ടുവെന്നും ശിവസേന കുറ്റപ്പെടുത്തി. കശ്മീരില്‍ ജവാന്‍മാര്‍ കൊല്ലപ്പെടുമ്പോള്‍ മോദിയും മറ്റ് കേന്ദ്രമന്ത്രിമാരും ഗുജറാത്ത് തെരഞ്ഞടുപ്പ് പ്രചാരണത്തില്‍ മാത്രമാണ് ശ്രദ്ധിച്ചതെന്നും താക്കറെ പറയുന്നു
ജമ്മുകശ്മീരില്‍ സ്ഥിതി ഗതികള്‍ സാധാരണനിലയിലായെന്നാണ് ബിജെപിയുടെ അവകാശവാദം. എന്നാല്‍ തുടര്‍ച്ചയായി സൈനികര്‍ കൊല്ലപ്പെടുന്ന പശ്ചാത്തലത്തില്‍ മോദിയുടെ വാദം പൊള്ളയാണെന്ന് ഉദ്ദവ് താക്കറെ ആരോപിക്കുന്നു.
ജമ്മുവിലെ രജൗരി സെക്ടറില്‍ കഴിഞ്ഞ ദിവസം മൂന്ന് സൈനികര്‍ കൊല്ലപ്പെട്ടതിന് പിന്നാലെയാണ് ശിവസേനയുംട പ്രതികരണം. കശ്മിരില്‍ സമാധാനം പുനസ്ഥാപിച്ചെന്ന സര്‍ക്കാരിന്റെ അവകാശവാദത്തിന്റെ പിന്നാലെയാണ് ഇത്തരം സംഭവങ്ങള്‍ ആവര്‍ത്തിക്കുന്നത്. ഇത് സര്‍ക്കാരിന്റെ ദൗര്‍ബല്യമാണ് വ്യക്തമാക്കുന്നത്.
നിലവിലെ സാഹചര്യത്തില്‍ ഗുജറാത്തില്‍ വികസനവും കശ്മീരില്‍ സമാധാനവും നഷ്ടപ്പെട്ട നിലയിലാണ്. പ്രക്ഷോഭകരായ വ്യാപാരികള്‍ക്ക് മുന്നില്‍ സര്‍ക്കാര്‍ തലക്കുനിക്കുകയാണ്. സൈനികര്‍ കൊല്ലപ്പെടുന്നത് തടയണമെന്നാഗ്രഹിക്കുന്നവര്‍ ചോദിക്കുന്നത് അടുത്ത തെരഞ്ഞെടുപ്പ് എപ്പോഴാണെന്നാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates