ന്യൂഡല്‍ഹി: മതമൗലീക വാദികളുടെ ഭീഷണി നേരിടുന്ന എഴുത്തുകാരിയായ തസ്ലിമ നസ്‌റിന്‍ പുതിയ പുസ്തകം എഴുതുന്നു. 'എന്ത് കൊണ്ട് ഞാന്‍ മുസ്ലീമല്ല' എന്ന പേരിലാണ് പുതിയ പുസ്തകമെഴുതുന്നതെന്ന് അവര്‍ ട്വിറ്ററില്‍ കുറിച്ചു.

തസ്ലിമയുടെ ട്വീറ്റിന് അനുകൂലമായും പ്രതികൂലമായും നിരവധി പ്രതികരണമാണ് ലഭിക്കുന്നത്. മതമൗലീക വാദികള്‍ ഭീഷണിയുമായി രംഗത്തെത്തിക്കഴിഞ്ഞു. ഇന്ത്യയില്‍ ഈ പുസ്തകം പുറത്തിറക്കാമെന്ന് വ്യാമോഹിക്കേണ്ടെന്നും ട്വീറ്റിന് മറുപടി വരുന്നുണ്ട്. വ്യത്യസ്തമായ കാഴ്ചപ്പാടില്‍ നിന്നു കൊണ്ട് എഴുത്ത് തുടരുന്ന തസ്ലിമയ്ക്ക് മതമൗലികവാദികളുടെ നിരന്തര ഭീഷണി ഉണ്ടായിട്ടുണ്ട്.