ബമോര: നരേന്ദ്രമോദിയെ പോലെ ഒരു പ്രധാനമന്ത്രി രാജ്യത്തിന്റെ ഭാഗ്യമാണെന്ന് ബിജെപി ദേശീയാധ്യക്ഷന്‍ അമിത് ഷാ. കഴിഞ്ഞ 25 വര്‍ഷമായി മോദി ഒരു അവധിക്കാലം പോലും ആഘോഷിച്ചിട്ടില്ല. 24 മണിക്കൂറില്‍ 18 മണിക്കൂറും രാജ്യത്തിന് വേണ്ടി പണിയെടുക്കുകയാണ് അദ്ദേഹം. ഇതൊന്നും ഇന്ത്യയിലെ ജനങ്ങള്‍ മറന്ന് പോകാന്‍ പാടില്ലെന്നും ബിജെപി ദേശീയാധ്യക്ഷന്‍ കൂട്ടിച്ചേര്‍ത്തു. 

രാഹുല്‍ ഗാന്ധി അവധിക്കാലം ആഘോഷിച്ച് നടക്കുകയാണ്. സ്വന്തം കാര്യം നോക്കുക മാത്രമല്ല, രാജ്യത്തിനായി ജീവന്‍ വെടിഞ്ഞ ധീര ജവാന്‍മാരെ അപമാനിക്കാനും കോണ്‍ഗ്രസ് അധ്യക്ഷന്‍ സമയം കണ്ടെത്തുന്നുണ്ടെന്നും അമിത് ഷാ ആരോപിച്ചു. പാകിസ്ഥാനില്‍ വ്യോമസേന നടത്തിയ ആക്രമണത്തിന്റെ തെളിവ് ചോദിച്ചത് രാഹുല്‍ഗാന്ധിയുടെ ദേശസ്‌നേഹം കാണിക്കുന്നുണ്ടെന്നും അമിത് ഷാ പറഞ്ഞു.