ന്യൂഡല്ഹി: ഓക്സ്ഫഡ് വാക്സിന് ഇന്ത്യയില് മനുഷ്യരില് പരീക്ഷിക്കാന് ആരംഭിച്ചതായി സീറം ഇന്സ്റ്റിറ്റിയൂട്ട് ഡയറക്ടര് പുരുഷോത്തമന് സി നമ്പ്യാര്. രണ്ടും മൂന്നും ഘട്ടം പരീക്ഷണങ്ങളാണ് പുനെയിലെ സിറം ഇന്സ്റ്റിറ്റിയൂട്ടില് ആരംഭിച്ചിരിക്കുന്നത്.
മൂന്നാംഘട്ട പരീക്ഷണത്തിന് ശേഷം പ്രതിരോധമരുന്ന് വിൽക്കാനുള്ള അനുമതി തേടും. ആദ്യഘട്ടത്തില് 1500 പേരിലാണ് പരീക്ഷണം നടത്തുക. ഇതില് വിജയിക്കാനായാല് ഡിസംബറില് തന്നെ വാക്സിന് എത്തുമെന്നും അദ്ദേഹം പറഞ്ഞു. ഉത്പാദനം തുടങ്ങി വയ്ക്കാനുള്ള അനുമതി ലഭിച്ചിട്ടുണ്ട്. എന്നാൽ വിൽക്കാൻ ഇപ്പോൾ കഴിയില്ല. എല്ലാ ഘട്ടവും പൂർത്തിയാക്കി അനുമതി കിട്ടിയ ശേഷമേ വിൽപന തുടങ്ങാനാകൂ എന്നും സിറം ഇന്സ്റ്റിറ്റിയൂട്ട് ഡയറക്ടര് പറഞ്ഞു.
നേരത്തെ സിറം ഇന്സ്റ്റിറ്റിയൂട്ടിന് 150 മില്യണ് ഡോളറിന്റെ ഫണ്ട് നല്കാന് ബില് ആന്ഡ് മെലിന്ഡ ഗേറ്റ്സ് ഫൗണ്ടേഷന് തീരുമാനിച്ചിരുന്നു. വാക്സിന് വേഗത്തില് ഉത്പാദിപ്പിക്കുന്നതിന് വേണ്ടിയായിരുന്നു ഇത്. ഈ പുതിയ കരാറിന്റെ ഭാഗമായി, ഇന്ത്യക്കും താഴ്ന്നഇടത്തരം വരുമാനമുള്ള രാജ്യങ്ങള്ക്കും 10 കോടി വാക്സിനുകള് വിതരണം ചെയ്യുന്നതിനുള്ള ഉത്തരവാദിത്തം സിറം ഇന്സ്റ്റിറ്റിയൂട്ടിനുണ്ടായിരിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates