​

അഹമ്മദാബാദ്; കൊറോണ സ്ഥിരീകരിച്ച് ചികിത്സയിലായിരുന്ന 14 മാസം പ്രായമായ കുഞ്ഞ് മരിച്ചു. ​ഗുജറാത്തിലെ ജംന​ഗറിലാണ് രാജ്യത്തെ ഞെട്ടിപ്പിക്കുന്ന മരണമുണ്ടായത്. ഏപ്രിൽ 5 നാണ് കുട്ടിയ്ക്ക് കൊറോണ സ്ഥിരീകരിച്ചത്. വൈറസ് ബാധയെതുടർന്ന് ആന്തരികാവയവങ്ങളുടെ പ്രവർത്തനം നിലച്ചതാണ് മരണത്തിന് കാരണമായത്.

കുടിയേറ്റക്കാരനായ തൊഴിലാളികളാണ് കുഞ്ഞിന്റെ മാതാപിതാക്കൾ. ഇവർ അടുത്തൊന്നും മറ്റു സ്ഥലങ്ങളിലേക്ക് യാത്ര ചെയ്തിട്ടില്ല. ജംന​ഗറിലെ ​ഗവൺമെന്റ് ആശുപത്രിയിൽ ഇന്നലെ വൈകീട്ടോടെയായിരുന്നു മരണം. ​അവസ്ഥ ​ഗുരുതരമായതിനെ തുടർന്ന് വെന്റിലേറ്ററിന്റെ സപ്പോർട്ടിലാണ് ജീവൻ നിലനിർത്തിയിരുന്നത്. ഇതോടെ കൊറോണ ബാധിച്ച് ​ഗുജറാത്തിൽ മരിച്ചവരുടെ എണ്ണം 16 ആയി.