പ​നാ​ജി: ഗോ​വ മു​ഖ്യ​മ​ന്ത്രി മ​നോ​ഹ​ർ പ​രീ​ക്കർ അന്തരിച്ചു. 63 വയസ്സായിരുന്നു. പനാജിയിലെ വസതിയില്‍ വച്ചാണ് അന്ത്യം. പാ​ൻ​ക്രി​യാ​സ് ഗ്ര​ന്ഥി​യു​ടെ പ്ര​വ​ർ​ത്ത​നം ത​ക​രാ​റി​ലാ​യ​തി​നെ​ത്തു​ട​ർ​ന്ന് ഒരു വർഷത്തിലേറെയായി ചികിത്സയിലായിരുന്നു. ആരോഗ്യനില വഷളായതിനെത്തുടര്‍ന്ന് ശനിയാഴ്ച അദ്ദേഹത്തെ ആശുപത്രിയില്‍ പ്രവേശിപ്പിച്ചിരുന്നു. 

‍2018 ഫെബ്രുവരിയില്‍ രോഗബാധിതനായതിന് ശേഷം ഗോവ, മുംബൈ, ന്യൂഡല്‍ഹി, ന്യൂയോര്‍ക്ക് എന്നിങ്ങനെ വിവിധയിടങ്ങളില്‍ ചികിത്സയിലായിരുന്നു പരീക്കര്‍. മൂന്ന് വട്ടം ഗോവ മുഖ്യമന്ത്രിയായ പരീക്കര്‍ പ്രതിരോധമന്ത്രിയായും സേവനമനുഷ്ടിച്ചിട്ടുണ്ട്.