ബെംഗളൂരു: മുതിര്‍ന്ന മാധ്യമപ്രവര്‍ത്തക ഗൗരി ലങ്കേഷിന്റെ കൊലയാളിയുടെ രേഖാചിത്രം തയ്യാറായതായി അന്വേഷണ സംഘം. എന്നാല്‍ അന്വേഷണം നടക്കുന്നതിനാല്‍ ചിത്രം പുറത്തുവിടാനാകില്ലെന്ന് സംഘം വ്യക്തമാക്കി. വീട്ടില്‍ നിന്ന് ലഭിച്ച സിസി ടിവി ദൃശ്യങ്ങളുടെ അടിസ്ഥാനത്തിലാണ് രേഖാചിത്രം തയ്യാറാക്കിയിരിക്കുന്നത്. 

34നും 38നും ഇടയില്‍ പ്രായമുള്ള ആളിന്റെ രേഖാചിത്രമാണ് തയ്യാറാക്കിയിരിക്കുന്നത്. അക്രമികള്‍ സഞ്ചരിച്ചിരുന്നത് ബജാജ് പള്‍സര്‍ ബൈക്കിലാണ്. ഇത് കണ്ടെത്താനുള്ള ശ്രമവും നടക്കുന്നുണ്ട്. സെപ്തംബര്‍ അഞ്ചിനാണ് ഗൗരി ലങ്കേഷിനെ വീടിന് മുന്നില്‍വെച്ച് അക്രമികള്‍ വെടിവെച്ചു കൊലപ്പെടുത്തിയത്.