ന്യൂഡല്‍ഹി: കൊറോണ വൈറസിന്റെ ഫാക്ടറിയാണ് തബ്‌ലീഗ് ജമാഅത്തെന്ന് വിശ്വഹിന്ദു പരിഷത്ത്. മസ്ജിദ്, മര്‍ക്കസ്, മദ്രസ എന്നിവിടങ്ങളില്‍ നിന്ന് ആളുകളെ പുറത്തെത്തിക്കുന്നതിന് പകരം ഇവരെ അവിടങ്ങളില്‍ തന്നെ ക്വാറന്റൈന്‍ ചെയ്യാനുള്ള നടപടികളാണ് കേന്ദ്ര,സംസ്ഥാന സര്‍ക്കാരുകള്‍ സ്വീകരിക്കേണ്ടതെന്ന് വിഎച്ച്പി പറഞ്ഞു. പ്രസിഡന്റ് വി എസ് കോക്‌ജെ, ഇന്റര്‍നാഷണല്‍ വര്‍ക്കിങ് പ്രസിഡന്റ് അലോക് കുമാര്‍, ജനറല്‍ സെക്രട്ടറി മിലാന്ദ് പരന്തേ എന്നിവര്‍ ചേര്‍ന്നിറക്കിയ സംയുക്ത പ്രസ്താവനയിലാണ് ഇക്കാര്യം പറഞ്ഞിരിക്കുന്നത്.
ഡല്‍ഹിയില്‍ നടന്ന തബ്‌ലീഗ് സമ്മേളനം കൊറോണ വൈറസിനെ ചെറുക്കുക എന്ന ലക്ഷ്യത്തോടെ നടപ്പാക്കിയ ലോക്ക്ഡൗണിനെ തകര്‍ക്കാര്‍ ശ്രമിച്ചുവെന്നും വിഎച്ച്പി ആരോപിച്ചു.
എല്ലാ മതങ്ങളും ആരാധനാലയങ്ങള്‍ അടച്ച സാഹചര്യത്തില്‍ മുസ്‌ലിം സമുദായവും മസ്ജിദുകള്‍ അടച്ച് സഹകരിക്കണമെന്ന് വിഎച്ച്പി ആവശ്യപ്പെട്ടു.
വിദേശത്ത് നിന്ന് ഇന്ത്യയിലെത്തിയ മൗലവിമാരുടെ വിസ കാന്‍സല്‍ ചെയ്ത് ഇവര്‍ക്കെതിരെ ശക്തമായ നടപടി സ്വീകരിക്കണം. കോവിഡ് ബാധിച്ച് മരിച്ചവരുടെ മൃതശരീരങ്ങള്‍ സംസ്‌കരിക്കുന്നതില്‍ മതപരമായ ചടങ്ങുകള്‍ ഒഴിവാക്കണമെന്നും ആളുകള്‍ കൂടുന്നത് കൊറോണ പകരുന്നതിന് കാരണമാകുമെന്നും വിഎച്ച്പി പ്രസ്താവനയില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates