അഗര്‍ത്തല: ത്രിപുരയിലെ കോണ്‍ഗ്രസ് അധ്യക്ഷന്‍ പ്രദ്യോത് ദേബ് ബര്‍മന്‍ പാര്‍ട്ടിയില്‍ നിന്ന് രാജിവെച്ചു. ക്രിമിനലുകളെയും കള്ളന്മാരെയും ഇനി കേള്‍ക്കേണ്ടതില്ലെന്നും അഴിമതിയിലും ഗ്രൂപ്പിസത്തിലും പങ്കുചേരേണ്ടതില്ലെന്നും ബര്‍മന്‍ രാജിവെച്ച ശേഷം അദ്ദേഹം ട്വീറ്റ് ചെയ്തു.
''ഏറെ നാളുകള്‍ക്ക് ശേഷം ഞാനിന്ന് ഉണര്‍ന്നത് സ്വസ്ഥമായ മനസ്സോടെയാണ്. ക്രിമിനലുകളെയും കള്ളന്മാരെയും കേള്‍ക്കാതെ ഞാന്‍ ഇന്നത്തെ ദിവസം ആരംഭിച്ചു. സഹപ്രവര്‍ത്തകര്‍ പിന്നില്‍ നിന്ന് കുത്തുമോ എന്ന ഭയമില്ല. ഗ്രൂപ്പിസത്തില്‍ ഇനി പങ്കുചേരേണ്ട ആവശ്യമില്ല. തെളിഞ്ഞ മനസ്സോടെ ഇനി എനിക്ക് എന്റെ രാജ്യത്തെ സേവിക്കാം'' ബര്‍മന്‍ ട്വീറ്റ് ചെയ്തു.
ത്രിപുരയിലെ രാജകുടുംബാംഗമായ പ്രദ്യോത് ദേബ് ബര്‍മന്‍ മുന്‍ രാജാവ് കിരിത് ബിക്രം കിഷോര്‍ മാണിക്യ ദേബ് ബര്‍മന്റെ മകനാണ്. സമീപകാലത്ത് ചില വിഷയങ്ങളില്‍ പ്രദ്യോത് ദേബ് ബര്‍മന്‍ ബിജെപി അനുകൂല നിലപാട് സ്വീകരിച്ചിരുന്നു. ദേശീയ പൗരത്വ രജിസ്റ്റര്‍ ത്രിപുരയിലും നടപ്പിലാക്കണമെന്ന് അദ്ദേഹം ആവശ്യപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates