കോവിഡ് 19 വ്യാപനം തടുയന്നതിന്റെ ഭാഗമായി ജനത കര്‍ഫ്യൂ ആചരിക്കാനുള്ള പ്രധാനമന്ത്രിയുടെ ആഹ്വാനം രാജ്യം ഒരേ മനസ്സോടെയാണ് വവരവേറ്റത്. എന്നാല്‍ വൈറസിന് എതിരെ പൊരുതുന്ന ആരോഗ്യ പ്രവര്‍ത്തകരെ കൈയ്യടിച്ചും പാത്രം കൊട്ടിയും അഭിനന്ദം അറിയിക്കണമെന്ന മോദിയുടെ ആഹ്വാനം പക്ഷേ ചിലയിടങ്ങളില്‍ സ്വീകരിക്കപ്പെട്ടത് വേറൊരു തരത്തിലാണ്.

പലയിടങ്ങളിലും ആളുകള്‍ വലിയ കൂട്ടമായി തെരുവിലിറങ്ങി. ജാഥയായി റോഡിലൂടെ പാത്രം കൊട്ടി നടന്നു. അതീവ ജാഗ്രത പ്രഖ്യാപിച്ചിരിക്കുന്ന ഡല്‍ഹിയിലും ഉത്തര്‍പ്രദേശിലും ഇത്തരം ജാഥകള്‍ നടന്നു. ഇതിനെതിരെ കനത്ത വിമര്‍ശനമാണ് സാമൂഹ്യ മാധ്യമങ്ങളില്‍ ഉയരുന്നത്. 

'പടിക്കല്‍ കലമുടയ്ക്കുന്ന' പരിപാടിയാണ് ചിലര്‍ കാണിച്ചതെന്നാണ് സാമൂഹ്യ മാധ്യമങ്ങള്‍ വിമര്‍ശിക്കുന്നത്. കുറ്റകരമായ നടപടിയാണ് ജനങ്ങളുടെ ഭാഗത്ത് നിന്ന് സംഭവിച്ചതെന്ന് ആരോഗ്യ പ്രവര്‍ത്തകരും ചൂണ്ടിക്കാട്ടുന്നു.