ന്യൂഡൽഹി: പൗരത്വ ഭേദഗതി നിയമമായതിന് പിന്നാലെ രാജ്യത്ത് വലിയ തോതിലാണ് പ്രതിഷേധങ്ങൾ അരങ്ങേറുന്നത്. വിവാദം കത്തിപടരുന്നതിനിടെ മതിയായ രേഖകളില്ലാതെ ഏഴ് ബംഗ്ലാദേശ് പൗരന്‍മാരെ പൊലീസ് പിടികൂടി. മഹാരാഷ്ട്രയിലാണ് ഇവർ പിടിയിലായത്.

മതിയായ രേഖകൾ ഇവരുടെ പക്കലുണ്ടായിരുന്നില്ലെന്ന് പൊലീസ് പറയുന്നു. പാല്‍ഘര്‍ ജില്ലയിലെ അര്‍ണാല പൊലീസ് ഇന്നലെ രാത്രിയാണ് ഇവരെ പിടികൂടിയത്.

പാസ്പോര്‍ട്ട് ഉള്‍പ്പടെയുള്ള രേഖകളില്ലാതിരുന്ന ഇവര്‍ അനധികൃത കുടിയേറ്റക്കാരാണെന്ന് പൊലീസ് വ്യക്തമാക്കി. ഇന്ത്യന്‍ പാസ്പോര്‍ട്ട് ആക്ട്, ഫോറിനേഴ്സ് ആക്ട് എന്നീ വകുപ്പുകള്‍ ഇവര്‍ക്കെതിരെ ചുമത്തിയിട്ടുണ്ട്.