ബെംഗളൂരു: ‌മയക്കുമരുന്ന് കേസിൽ കർണാടക മുൻ മന്ത്രി ജീവരാജ് ആൽവയുടെ മകൻ ആദിത്യ ആൽവയുടെ ബംഗ്ലാവിൽ സെൻട്രൽ ക്രൈംബ്രാഞ്ചിന്റെ(സിസിബി) റെയ്‌ഡ്. ഹെബ്ബാളിന് സമീപമുള്ള ബംഗ്ലാവിലാണ് സിസിബി സംഘം പരിശോധന നടത്തിയത്. ബംഗ്ലാവിൽ ആദിത്യ ആൽവയും മറ്റു പ്രതികളും ചേർന്ന് മയക്കുമരുന്ന് പാർട്ടികൾ സംഘടിപ്പിച്ചതായാണ് സിസിബിയുടെ കണ്ടെത്തൽ.

കന്നഡ സിനിമയുമായി ബന്ധപ്പെട്ട മയക്കുമരുന്ന് കേസിൽ പ്രതി ചേർക്കപ്പെട്ടതിന് പിന്നാലെ ആദിത്യ ആൽവ ഒളിവിലാണ്. ഇതേത്തുടർന്നാണ്
റെയ്‌ഡ് നടത്തിയത്. ബോളിവുഡ് നടൻ വിവേക് ഒബ്റോയിയുടെ ബന്ധു കൂടിയാണ് ആദിത്യ ആൽവ.ഹെബ്ബാൾ തടാകത്തോട് ചേർന്ന് നാല് ഏക്കറോളം വരുന്ന സ്ഥലത്താണ് ആദിത്യ ആൽവയുടെ 'ഹൗസ് ഓഫ് ലൈഫ്' എന്ന ബംഗ്ലാവ് സ്ഥിതിചെയ്യുന്നത്.

കേസിൽ ഇതുവരെ 15 പേർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. നടിമാരായ രാഗിണി ദ്വിവേദി, സഞ്ജന ഗൽറാണി എന്നിവരടക്കം ഒൻപത് പ്രതികളെ അറസ്റ്റ് ചെയ്തിട്ടുണ്ട്.