കുടിയേറ്റ തൊഴിലാളുകളുമായി മുംബൈയില്‍ നിന്ന് ഉത്തര്‍പ്രദേശിലെ ഗൊരഖ്പൂരിലേക്ക് പുറപ്പെട്ട ശ്രമിക് സ്‌പെഷ്യല്‍ ട്രെയിന്‍ എത്തിയത് ഒഡീഷയിലെ റോര്‍ക്കേലയില്‍. മെയ് 21ന് മുംബൈയിലെ വസായി റോഡ് റെയില്‍വെ സ്‌റ്റേഷനില്‍ നിന്ന് പുറപ്പെട്ട ട്രെയിനാണ് ഒഡീഷയിലെത്തിയത്. 

ലോക്കോ പൈലറ്റിന് വഴിതെറ്റിയതാണ് എന്നാണ് യാത്രക്കാര്‍ ആരോപിക്കുന്നത്. ഒഡീഷയില്‍ എത്തിയപ്പോഴാണ് ട്രെയിന്‍ വഴിമാറി ഓടിയ കാര്യം തങ്ങള്‍ അറിഞ്ഞതെന്ന് യാത്രക്കാര്‍ പറഞ്ഞു. 

അതേസമയം, ട്രെയിന്‍ വഴിതിരിച്ച് വിട്ടതാണ് എന്നാണ് റെയില്‍വെയുടെ വിശദീകരണം. തിരക്ക് ഒഴിവാക്കാനായി ബിഹാറിലേക്കുള്ള ട്രെയിനുകളും റോര്‍ക്കേല വഴി തിരിച്ചുവിട്ടിരുന്നു എന്നാണ് റെയില്‍വെ പറയുന്നത്.