മംഗളൂരു: മോശം കാലാവസ്ഥയെ തുടര്‍ന്ന് കടലില്‍ മുങ്ങിപ്പോയ മത്സ്യബന്ധന ബോട്ടില്‍ നിന്നും ഏഴ് തൊഴിലാളികളെ കോസ്റ്റ് ഗാര്‍ഡ് രക്ഷപ്പെടുത്തി. സംഭവത്തില്‍ ആര്‍ക്കും പരിക്കേറ്റിട്ടില്ല. മംഗളൂരു തീരത്തുനിന്നും മൂന്ന് നോട്ടിക്കല്‍ മൈലില്‍ അകലെയാണ് മഹേശ്വരി എന്ന ബോട്ട് അപകടത്തില്‍പെട്ടത്. അതിശക്തമായ കാറ്റിലും തിരയിലും പെട്ടാണ് ബോട്ട് മറഞ്ഞത്. ബോട്ടിലുള്ള എല്ലാവരെയും കോസ്റ്റ് ഗാര്‍ഡ് കരയിലെത്തിച്ചു.