അഗര്ത്തല: വിവിധ കാര്ഷിക പ്രശ്നങ്ങള് ഉന്നയിച്ച് അഖിലേന്ത്യ കിസാന്സഭയും സിഐടിയും സംയുക്തമായി സംഘടിപ്പിച്ച സമരത്തിന്റെ ഭാഗമായി ആഗര്ത്തലയില് സംഘടിപ്പിച്ച ജയില് നിറയ്ക്കല് സമരത്തിന് നേരെ പൊലീസ് ലാത്തിച്ചാര്ജ്ജും ജലപീരങ്കിയും പ്രയോഗിച്ചു. ലാത്തിച്ചാര്ജ്ജില് നിരവധി സിപിഎം പ്രവര്ത്തകര്ക്ക് പരുക്കേറ്റു. മുന്മുഖ്യമന്ത്രി മണിക് സര്ക്കാര് ഉള്പ്പടെയുളള മുതിര്ന്ന നേതാക്കള് ഉള്ളപ്പോഴായിരുന്നു ജലപീരങ്കി പ്രയോഗം.
ലാത്തിച്ചാര്ജ്ജ് നടത്തിയിട്ടും ജലപീരങ്കി പ്രയോഗിച്ചിട്ടും പ്രവര്ത്തകര് പിരിഞ്ഞുപോയില്ല. നനഞ്ഞു കുളിച്ചാണ് അരമണിക്കൂറിലേറെ സമയം മണിക് സര്ക്കാര് പ്രവര്ത്തകരെ അഭിസംബോധന ചെയ്തത്.
കാര്ഷിക കടങ്ങള് എഴുതിതള്ളുക, സ്വാമിനാഥന് കമ്മീഷന് നിര്ദ്ദേശിച്ച നിലയില് മിനിമം താങ്ങുവില പ്രഖ്യാപിക്കുക, വിദേശ നിക്ഷേപം അവസാനിപ്പിക്കുക, കര്ഷകര്ക്ക് 5000 രൂപ പെന്ഷന് അനുവദിക്കുക, കൃഷിയിടങ്ങളില് വെള്ളവും വൈദ്യുതിയും എത്തിക്കുക തുടങ്ങിയ ആവശ്യങ്ങള് ഉന്നയിച്ചായിരുന്നു സമരം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates