നാഗ്പുര്‍: രാജ്യസുരക്ഷയില്‍ കേന്ദ്ര സര്‍ക്കാരിനെതിരെ വിമര്‍ശനവുമായി ആര്‍എസ്എസ് മേധാവി മോഹന്‍ ഭാഗവത്. യുദ്ധം ഇല്ലാതിരുന്നിട്ടും അതിര്‍ത്തിയില്‍ പട്ടാളക്കാര്‍ മരിച്ചുവീഴുകയാണെന്ന് മോഹന്‍ ഭാഗവത് പറഞ്ഞു. ഇത് നാം കൃത്യമായി ചുമതല നിര്‍വഹിക്കാത്തതുകൊണ്ടാണെന്ന് ആര്‍എസ്എസ് മേധാവി കുറ്റപ്പെടുത്തി.

നാഗ്പുരില്‍ നടന്ന ചടങ്ങിലായിരുന്നു മോഹന്‍ ഭാഗവതിന്റെ വിമര്‍ശനം. സ്വാതന്ത്ര്യത്തിനു മുമ്പ് നിരവധി പേര്‍ രാജ്യത്തിനു വേണ്ടി ജീവത്യാഗം ചെയ്തു. സ്വാതന്ത്ര്യം കിട്ടിയതിനു ശേഷം യുദ്ധസമയങ്ങളിലായിരുന്നു രാജ്യത്തിനു വേണ്ടിയുള്ള ജീവത്യാഗം. എന്നാല്‍ ഇപ്പോള്‍ യുദ്ധം ഇല്ലാതിരുന്നിട്ടും അതിര്‍ത്തിയില്‍ പട്ടാളക്കാര്‍ മരിച്ചുവീഴുകയാണ്. നാം നമ്മുടെ ജോലി കൃത്യമായി ചെയ്യാത്തതുകൊണ്ടാണ് ഇതെന്ന് മോഹന്‍ ഭാഗവത് പറഞ്ഞു. 

യുദ്ധമില്ലാതിരുന്നിട്ടും അതിര്‍ത്തിയില്‍ പട്ടാളക്കാര്‍ മരിക്കുന്നത് എന്തുകൊണ്ടാണ്? അത് സംഭവിക്കാന്‍ പാടില്ലാത്തതാണ്. അത് ഒഴിവാക്കാന്‍ നടപടിയെടുക്കേണ്ടതുണ്ട്- മോഹന്‍ ഭാഗവത് പറഞ്ഞു.