ന്യൂഡൽഹി: ശ​ര​ദ്​ പ​വാ​റുമായുള്ള അഭിപ്രായ വ്യത്യാസത്തെ തുടർന്ന് എൻസിപിയിൽ നിന്നും രാജിവെച്ച മുതിർന്ന നേതാവ് താരിഖ് അൻവർ കോൺഗ്രസിൽ ചേർന്നു. അധ്യക്ഷൻ രാഹുൽ ഗാന്ധിയുമായി  കൂടിക്കാഴ്ച നടത്തിയശേഷമാണ് കോൺഗ്രസിൽ ചേരുന്ന വിവരം പ്രഖ്യാപിച്ചത്. രാജസ്ഥാൻ മുൻ മുഖ്യമന്ത്രി അശോക് ഗെലോട്ടും മറ്റ് പാർട്ടി പ്രവർത്തകരും താരിഖ് അൻവറിനൊപ്പം ഉണ്ടായിരുന്നു. 

റ​ഫാ​ൽ ഇ​ട​പാ​ടി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ ശ​ര​ദ്​ പ​വാർ ന്യാ​യീ​ക​രി​ച്ച​തിൽ പ്രതിഷേധിച്ചാണ് വ​ലം​കൈയായിരുന്ന താ​രി​ഖ്​ അ​ൻ​വ​ർ എ​ൻസിപി വിട്ടത്.  സം​യു​ക്ത പാ​ർ​ലമെ​ന്‍ററി സ​മി​തി അ​ന്വേ​ഷിക്കണമെന്ന് മുഖ്യപ്രതിപക്ഷമായ കോൺ​ഗ്രസ് ആവശ്യപ്പെടുന്ന ഘട്ടത്തിൽ പവാർ ന​രേ​ന്ദ്ര മോ​ദി​യെ സം​ര​ക്ഷിച്ച് സം​സാ​രി​ച്ച​ത്​ ശ​രി​യാ​യി​ല്ലെ​ന്നായിരുന്നു​ അ​ൻ​വ​റിന്‍റെ നിലപാട്.

​എൻസിപി വിട്ടതിന് പിന്നാലെ ബി​ഹാ​റി​ലെ ക​തി​ഹാ​ർ ലോ​ക്​​സ​ഭ മ​ണ്ഡ​ല​ത്തി​ൽ​ നി​ന്നു​ള്ള എം പി സ്ഥാനവും അൻവർ രാജിവെച്ചിരുന്നു. 1999 ലാണ് വി​ദേ​ശ വം​ശ​ജ​യാ​യ സോ​ണി​യ ഗാ​ന്ധി കോ​ൺ​ഗ്ര​സ്​ അ​ധ്യ​ക്ഷ​യാ​കു​ന്ന​തി​ൽ പ്ര​തി​ഷേ​ധി​ച്ച് ശരദ് പവാറും താരിഖ് അൻവറും പി എ സാം​ഗ്മയും കോൺ​ഗ്രസ് വിട്ടത്. തുടർന്ന് ഇവർ എൻസിപി രൂപീകരിക്കുകയായിരുന്നു. സാം​ഗ്മ നേരത്തെ തന്നെ എൻസിപി വിട്ട് സ്വന്തം പാർട്ടി രൂപീകരിച്ചിരുന്നു.